"Журналист Сыргак Абдылдаевге 29 жолу бычак сайган адамдарды сот актап жибергени туура эмес" дейт Коомдук бирикменин өкүлү

Журналистти өлтүрүүгө буюртма берген Жаныш Бакиев гана соттолуп, буйрукту аткарган 4 адам акталып чыгып кетти. Бул тууралуу бүгүн, 7-майда журналист Сыргак Абдылдаевдин соттук иши тууралуу маалымат жыйында Кыргыз өлкөсүндөгү "Элдик кошуундардын бирикмесинин" төрагасы Алга Кылычов айтты.

2009-жылдын 3-мартында журналист Сыргак Абдылдаевге 4 адам 29 жолу бычак сайып кетишкен. Анын кесепетинен Абдылдаев оор жаракат алып, ден соолугунун мүмкүнчүлүгү чектелген адамга айланган.

"2009-жылы журналист Сыргак Абдылдаевди мыкаачылык менен бычактап кеткен окуя боюнча сот Термечиков туура эмес чечим чыгарган. Анткени жүргүзүлгөн иликтөөнүн жүрүшүндө кармалгандар Абдылдаевди өлтүрүүгө Жаныш Бакиев буюртма бергенин айтышкан. Буюртма берген Жаныш Бакиев гана соттолуп, буйрукту аткарган Алматов, Парманкулов, Уметов жана Сооданбековдорду сот "кылмыш иштин мөөнөтү эскирип кетти" деп актап койгон. Бирок Абдылдаевге карата жасалган саясий кылмыштын эскирүү мөөнөтү 2019-жылдын 3-мартында күчүнө кирмек", - дейт Кылычов .

Ошондой эле ал сот Термечиков бул чечими менен кылмыш жасады жана сот адилеттүүлүгүнүн негизги принциптерин бузду дейт.

"Эгерде анын өмүрүнө кол салган адамдар тийиштүү жазаларын албаса, Сыргак Абдылдаевдин мыйзамдуу талаптары аткарылбаса, ал Щвеция өлкөсүнүн жараны катары ал өлкөнүн адвокатурасы аркылуу эл аралык сотко кайрылуу менен мыйзам чегинде өз укуктарын коргоого аргасыз болорун эскертип кетким келет", - дейт ал.

Андан сырткары журналист Сыргак Абдылдаевге ошол учурда алган жаракатына байланыштуу жакынкы күндөрү Щвецияда 7-ирет операция жасала турганын айтат.

Автор: Бактыяр Кыдыралиев
Фото: Бактыяр Кыдыралиев

14:07 07-05-2018

Жазылуу

РУБРИКАДАГЫ СОҢКУ КАБАРЛАР

19:34 2025-07-04 | Супер-Инфо

Башкы ролу жок, бирок экинчи пландагы актёрлордун жылдызы Ким Вон Хэ 58 0

19:14 2025-07-04 | Түркүн дүйнө

Голливуд актёру Майкл Мэдсен каза болду 291 0

18:53 2025-07-04 | Коом жана турмуш

Маданият министрлиги актёр Бакыт Мукулдун кайрылуусуна жооп берди 501 0

18:05 2025-07-04 | Коом жана турмуш

Азербайжандын ЖОЖдоруна документтерди тапшыруу мөөнөтү узартылды 214 0

17:53 2025-07-04 | Супер-Инфо

Азамат Отунчиев, обончу: “Сахнага 6 жашымда Чубак Сатаев алып чыккан” 156 0

17:03 2025-07-04 | Супер-Инфо

Бакай Шүкүров: “Аттан корккон балдар көбөйдү, кыргыз уулу мындай болбошу керек” 158 0

Архив

Комментарийлер (3)

salimbek87.kg

2018-05-07 14:25:00

Тема тууралы жазбаган үчүн кечиресиздер . Ылдый жакта акылбек жапаров менин билишимче өлкөдө эле жүрөт аскарбек шадиев деп айтыптыр бул эмнеси УККМка не кылып жүрөт жардамчысы чет өлкөдө десе УККМка өлкөдөн десе тактап элге айтпай бы .Садыр Жапаровду алып барып камады күнөөсүз эле шадиев ырас жедиби УККМка зор болсо камасын күнөөсүн мойнга коюп.

fantomas

2018-05-07 14:43:58

Ушуга окшогон соттордун озун кошо соттош керек... Жээнбеков болсо сот тармагы ото коррупциялашкан деп айтышы айтты го, ошол сотторду иштен алып, сот тармагындагы коррупцияны жою боюнча иш алып барганы корунбойт...

altyn7776

2018-05-07 15:06:38

Туура эмес деп аябай эле сыпайы го биздикилер. 21 жолу бычак урган Жаныштын зоокурлорун тыкпайсынарбы турмого...Жаныш менен Курманбекке го алы жетпеди АШАнын. Ошол сотту жоготуп, актап жибергени учун тыгыш керек турмого. Термечигин терип жатсын турмодо..сот болгондон айланабы...

Комментарий калтыруу үчүн өз ысымыңыз менен кириңиз же каттоодон өтүңүз.