Ош шаарында 5 миңге чукул адамдын катышуусунда "Өлбөс, өчпөс полк" жөө жүрүшү орун алды

Ош шаарында 9-Май - Жеңиш күнүнүн 73 жылдыгына карата "Өлбөс, өчпөс полк" жөө жүрүшү орун алды. Бул тууралуу Ош мэриясынын басма сөз кызматы билдирди.

Маалым болгондой, жөө жүрүшкө Ош шаарынын мэри Айтмамат Кадырбаев баштаган бийлик өкүлдөрү жана шаар тургундары катышты. Алар эл эгемендиги үчүн өз өмүрүн, жаштыгын арнап, дүйнөгө тынчтык орноткон Улуу Ата Мекендик согуштун ардагерлерине ыраазычылык билдирип, алар өмүр бою жүрөк түпкүрүндө жашай тургандыгын баса белгилешти.

"Өлбөс, өчпөс полк" жүрүшү Оштогу Ленин көчөсүндө жайгашкан "Келечек" балдар чыгармачылык борборунан тартып борбордук аянт аркылуу Өчпөс отко чейин уланып, 5 миңге чукул адам катышты.

Автор: Наргиза Талантбекова