Саясат таануучу: "Кредит алуудагы коррупциялык иш боюнча да изилдөө башталышы керек"

Бүгүн, 10-майда ЖЭБдеги күмөндүү жагдайды иликтеген депутаттык комиссия корутундусун чыгарды. Ушул маселеге ылайык, SUPER.KG порталынын "ЖЭБди жаңылоого байланыштуу кемчиликтерди иликтеген депутаттык комиссия жооптуулардын атын атоодо саясий чайкоочулук кылып жатабы?" деген соболуна саясат таануучу Даниел Кадырбеков жооп берди.

Саясат таануучунун айтымында, кол койгон гана адамдарды эл алдына алып чыгып коюу менен маселе чечилбейт.

"Депутаттык комиссиянын буга чейинки чыгарган маалыматына таянсак, комиссиянын максаты эмне экени түшүнүксүз болуп жатат. "ЖЭБди модернизациялоо жана кредит алуу керек беле?", "ЖЭБге алынган кредиттин жарымы сол чөнтөккө кирип кетти беле?" деген суроону бөлүп караш керек деп ойлойм. Ошондой эле ЖЭБ боюнча депутаттык комиссия түзүлүп жатканда "ЖЭБде модернизация болуп жатканда эмнеге шалаакылык болгон? Эмнеге баасы кымбат кеткен?" деген суроолор коюлган. Депутаттык комиссия ушул суроолорго толугу менен жооп бериш керек. Бул жерде кол койгондорду эле таап туруп, элге салып берип койгону туура эмес деп ойлойм, себеби бир жыйынтык чыкпай калат.

Экинчиден, ошол убакта президенттик аппараттын жетекчисинин орун басары жана тышкы саясат бөлүмүнүн жетекчиси Сапар Исаковдун президентке кат жазганы жана ошол кездеги президент өкмөт мүчөлөрүнө түздөн-түз буйрук бергени мызамга туура келбей турган нерсе. Энергетика, ЖЭБ, насыя алуу маселелери президенттин милдеттерине кирбейт. Кредит боюнча экс-президент өзүнө жакын белгилүү бир топ менен жасаган операциясына жана формалдуу түрдө эле тийиштүү министрлер кол койгону болбосо, бардык ишти өзү чечип жатканына сайсий баа берилиши керек, жоопкерчилиги да бар. Депутаттык комиссиянын логикасы менен кетсек, кол койгон гана формалдуу эле тиешеси бар адамдарды элге салып бере турган болсо, анда 5-чакырылыштын депутаттары да бул долбоорду ратификациялаган, бул кредит алынгандан кийин ТВЕА менен тендерсиз макулдашуу болгон. Андай болсо көзөмөлдөө органдары иш козгошу керек. Ошондуктан бул жерде кредит алуудагы коррупциялык иш боюнча да изилдөө башталышы керек", - деди Кадырбеков.

Жогорку Кеңештин депутаттары Рыскелди Момбеков, Иса Өмүркулов, Таалайбек Масабировдун жана экс-депутат Өмүрбек Абдырахмановдун пикири бул шилтемеде.

Автор: Бекболсун Молдояр уулу

17:30 10-05-2018

Жазылуу

РУБРИКАДАГЫ СОҢКУ КАБАРЛАР

20:51 2025-07-04 | Кылмыштар, кырсыктар

Люксенбургдагы жол кырсыгынан каза болгон баланын жакындары акыйкат издейт (видео) 1310 0

19:34 2025-07-04 | Супер-Инфо

Башкы ролу жок, бирок экинчи пландагы актёрлордун жылдызы Ким Вон Хэ 296 0

19:14 2025-07-04 | Түркүн дүйнө

Голливуд актёру Майкл Мэдсен каза болду 1139 0

18:53 2025-07-04 | Коом жана турмуш

Маданият министрлиги актёр Бакыт Мукулдун кайрылуусуна жооп берди 1453 0

18:05 2025-07-04 | Коом жана турмуш

Азербайжандын ЖОЖдоруна документтерди тапшыруу мөөнөтү узартылды 448 0

17:53 2025-07-04 | Супер-Инфо

Азамат Отунчиев, обончу: “Сахнага 6 жашымда Чубак Сатаев алып чыккан” 330 0

Архив

Комментарийлер (1)

jbolotov

2018-05-11 00:39:44

Эн туура маселе. Кыргыз мамлекети учун кооптуу шарт болсода сый акча алуу учун айрым жетекчилер каалагандай шарттагы кредитке кол коюп атышат. Мисалы Нарын Ж-Абад жолу 370 миллион доллар же 2700000000000 сомго куруунун кажети бар беле? Атамбаев чыккынчы болгонбу деген ой айласыздан келетда.

Комментарий калтыруу үчүн өз ысымыңыз менен кириңиз же каттоодон өтүңүз.