Чүй облусунда 32 жаштагы тургун эки айдан бери дайынсыз болуп изделүүдө

Чүй облусунда 32 жаштагы тургун эки айдан бери дайынсыз болуп изделүүдө. Бул тууралуу SUPER.KG'ге 11-майда Чүй РИИБинен кабарлашты. Маалым болгондой, дайынсыз болуп жаткан 32 жаштагы Евгений Комаров психикалык жактан жабыркап келген.

"Казакстанда төрөлүп, ошол жакта жашаган. Бирок кийин жакындары жок калгандан кийин Чүй районунда жашаган тууганы бул жакка алып келген. Тилекке каршы, психикалык жактан жабыркагандыктан буга чейин да дайынсыз жоголуп, кайра кайрылып келчү экен. Бул ирет үйдөн 9-март күнү чыгып кеткен бойдон дайынсыз болуп жаткандыктан, тууганы издөөгө жардам сурап кайрылды. Анын айтымында, Евгений ишти жакшы жасагандыктан кимдир бирөөлөр алып кетип калып, өз ишин жасатып жаткан болушу мүмкүн", - деп билдиришти РИИБден.

Өзгөчө белгилери: бою 160-162 сантиметр, орто бойлуу. Үйдөн чыгып кеткен учурда үстүнө кара түстөгү спорттук күрмө, астына сары түстөгү спорттук шым, бутуна көлөч кийип жүргөн.

Эгерде көргөн-билгендер болсо, Чүй ОИИББи менен Чүй РИИБинин 0 (708) 67 27 87, 0(505) 30 08 87, 0 (701) 15 30 05 телефон номерлерине чалып, кабарлап койсоңуздар болот.

Автор: Жамалидин Парманкулов