Министр Касымалиев депутаттардын сынына кабылды

Жогорку Кеңештин Эл аралык иштер, коргоо жана коопсуздук боюнча комитетинин жыйынында депутаттар каржы министри Адылбек Касымалиевди сынга алышты. Буга анын "Чыгыш электр" ишканасы үчүн Европа реконструкциялоо жана өнүктүрүү банкынан алынып жаткан каражат боюнча так жооп бере албаганы себеп болду.

Эл өкүлү Абдывахап Нурбаев алынып жаткан каражат боюнча так жоопкер тарап болушу керектигин айтты. "Урматтуу Адылбек Алешович, бул келишим боюнча негизги жооптуу ким болот? Эмне үчүн бир-эки жетекчи так жоопкерчиликти алган эмес. Демек, сиз бул боюнча толук маалымат билбейсиз. ЖЭБ чырын көрүп жатасыңар. Так жооптуулар жоктугунан бир нече адам тиешеси бар деп айыпталып жатат", - деди депутат.

Касымалиев бул суроого 2-3 күн ичинде кат түрүндө жооп жибере турганын билдирди.

Талкуу учурунда комитет төрагасы Исхак Пирматов алынып жаткан насыяга министр өзү жооптуу экенин эскертти. "Бул документти комитетке 2-ирет алып келип жатасыңар. Адылбек Алешович, бул жерде жооп бере турган адам сиз болосуз. Документте ошентип жазылып турат. Өзүңүз келишимди окубай туруп, кантип алып келип жатасыз?" - деди Пирматов.

Маалым болгондой, Европа реконструкциялоо жана өнүктүрүү банкы "Чыгыш электр" ишканасына 15 жылдык мөөнөт менен 4 миллион евро көлөмүндө жеӊилдетилген насыя жана 2 миллион евро өлчөмүндө грант бөлүүдө. Насыяны төлөөнүн жеӊилдетилген мөөнөтү - 3 жыл. Комитет мүчөлөрү жыйынтыгында насыялык жана гранттык макулдашуулар боюнча ратификациялык мыйзам долбоорунун концепциясын жактырышты.

Автор: Бектур Токтоноев

12:08 15-05-2018

Жазылуу

РУБРИКАДАГЫ СОҢКУ КАБАРЛАР

11:57 2025-07-04 | Түркүн дүйнө

Бүгүн Азербайжанда Экономикалык кызматташтык уюмунун саммити өтөт 37 0

11:51 2025-07-04 | Коом жана турмуш

Ош шаардык төрөт үйүнүн кошумча имараты пайдаланууга берилди (фото) 88 0

11:11 2025-07-04 | Кылмыштар, кырсыктар

Шопоков шаарынын мэри коррупция боюнча кармалды 361 0

10:53 2025-07-04 | Супер-Инфо

Күрүчтү сүйгөн япон ашканасы 92 0

10:49 2025-07-04 | Түркүн дүйнө

Путин менен Трамп телефон аркылуу сүйлөшүштү. Эмнелер талкууланды? 468 0

10:20 2025-07-04 | Коом жана турмуш

УКМК Академиясынын жана Орусиянын ФКК окуу жайынын бүтүрүүчүлөрүнө дипломдор тапшырылды (фото) 385 0

Архив

Комментарийлер (1)

Dembele84

2018-05-15 12:16:39

Министр документти озу которуп келип алып,анан ким жооптуу болушун кат турундо жонотом дегени кызык болуптур.Насыяга акча берет экен десе, суйунгон боюнча распечатать этип,окубай эле уруп кирген го дейм жогорку кенешке министр Касымалиев)))

Комментарий калтыруу үчүн өз ысымыңыз менен кириңиз же каттоодон өтүңүз.