Кыргыз өлкөсүнөн ажылык сапарына баруу коңшу мамлекеттерге салыштырмалуу арзан

Кыргыз өлкөсүнөн ажылык сапарына баруу коңшу мамлекеттерге салыштырмалуу арзан. Бул тууралуу бүгүн, 16-майда ажылык сапар тууралуу өткөн маалымат жыйында Жоробай ажы Шергазиев айтты.

Анын айтуусуна караганда, Өзбекстанда ажылыкка баруунун баасы 4 миң 700 доллар, Казакстанда 4 миң доллар, Тажикстанда 3 миң 650 доллар.

"Ажылык иштери 2017-жылдан тартып толугу менен электрондук системага өткөн. Аны уюштуруу боюнча жыл сайын мекеме аралык комиссия түзүлүп, курамына муфтият, Дин иштери боюнча мамлекеттик комиссия, ИИМ, УКМК, Транспорт жана жол, Саламаттыкты сактоо, Тышкы иштер министрликтеринин, Мамлекеттик чек ара, Мамлекеттик каттоо кызматтарынын өкүлдөрү кирет", - дейт Шергазиев.

Белгилей кетсек, өткөн жылы ажылыктын баасы 2 миң 760 доллар болгон. Ал эми быйылкы ажылык сапардын баасы 2 миң 890 долларга бааланган. Бул былтыркыдан 130 долларга кымбат. Ошондой эле Сауд Арабиясы быйыл ажыга барууну каалаган кыргызстандыктар үчүн 5 миң 400 квота бөлгөнүн Жоробай ажы Шергазиев кошумчалады.

Зыяратчылар ажылыкка 25-июлдан баштап 7-августка чейин барышат. Ал эми биринчи сапар алгандар 27-августтан тартып кайтып келе башташат.

Автор: Бактыяр Кыдыралиев
Фото: Бактыяр Кыдыралиев

12:03 16-05-2018

Жазылуу

РУБРИКАДАГЫ СОҢКУ КАБАРЛАР

15:23 2025-07-05 | Кылмыштар, кырсыктар

Бишкекте 70 миң доллар опузалаган жаран 5 миң алып жатып кармалды (видео) 412 0

14:42 2025-07-05 | Түркүн дүйнө

Түркияда коррупциялык иштерге байланыштуу дагы үч мэр кармалды 289 0

14:17 2025-07-05 | Саясат

Садыр Жапаров: "Орус тилисиз биз Кыргызстандан алыс чыга албайбыз" 560 0

13:47 2025-07-05 | Коом жана турмуш

Жайлоодо туристтерди чакырып, даамдуу тамактарды жасаган "чабан бала" менен маек 3487 0

13:01 2025-07-05 | Коом жана турмуш

Жеңишбек Токторбаев Ош шаарында дагы бир сейил бакты ачты 804 0

12:12 2025-07-05 | Коом жана турмуш

Бишкектин Тунгуч кичи районунда убактылуу ысык суу берилбейт 230 0

Архив

Комментарийлер (6)

Ali-han

2018-05-16 12:24:10

Альхамдулилла!!!

Bekzamann

2018-05-16 12:32:39

Аллах Таалага шугурлор болсун!

iryi1

2018-05-16 12:44:58

Баягы эле бизнес. Ошончолук акча коп болсо билим тармагына салышса болмок.

Rusi79

2018-05-16 14:22:05

Озубуздо деле бей бечараларга,оор оорулууларга,уйу жокторго,суу чыгарса ж.б.у.с. нерселерге жумшаса деле ажысы 1000мертебе кабыл болот

aitowa11

2018-05-16 15:25:38

Бизге берилген квотаны да кыргыздарга толук беришпейт жогору жактагылар озбектерге, тажиктерге, уйгурларга сатышат экен ошону да жакшылап териштирсе жакшы болмок. Биздин тааныштар 1-2жыл барыша алган эмес орун жок орун жок дешип каттодон откорушпой койгон

Medinaa

2018-05-16 15:37:11

Аллах бизге да барууну насип этсин.

Комментарий калтыруу үчүн өз ысымыңыз менен кириңиз же каттоодон өтүңүз.