Мухаммедкалый Абылгазиев: "Газа тилкесиндеги абал боюнча Кыргыз өлкөсү терең тынчсызданат"

Өкмөт башчы Мухаммедкалый Абылгазиев Газа тилкесиндеги абал боюнча Кыргыз өлкөсү дагы тынчсызданып жатканын билдирди. Бул тууралуу өкмөттүн басма сөз кызматы билдирди.

Маалыматка караганда, 18-майда өкмөт башчы Мухаммедкалый Абылгазиев Түркиянын Стамбул шаарында өтүп жаткан Ислам Кызматташтык Уюмунун кезексиз саммитинде сөз сүйлөп жатып Кыргыз мамлекети Газа тилкесиндеги абалга кабатырланарын айтты.

"Кыргыз Республикасы абалдын кескин курчуп жана Газа тилкесиндеги протесттердин натыйжасында көп сандаган жөнөкөй жарандардын өлтүрүлгөнүнө жана жарадар болушканына байланыштуу өтө тынчсызданып жатат", - деди өкмөт башчы.

Ошондой эле өкмөт башчы 2018-жылдын 14-майындагы кагылышуулардын натыйжасында болгон көп сандаган курмандыктарга байланыштуу Палестина элине терең көңүл айтты.

"БУУнун Башкы ассамблеясынын 2017-жылдын 21-декабрындагы резолюциясын БУУнун мүчө өлкөлөрү көпчүлүк добуш менен кабыл алганына карабастан АКШнын Элчилигинин Аль-Кудс (Иерусалим) шаарына которулушу Палестина-Израиль жаңжалын тынчтык менен жөнгө салуу боюнча эл аралык коомчулуктун күч-аракетин жокко чыгарды жана кырдаалды татаалдаштырды. Биз бул окуяларга катышы бар бардык тараптарды жарандардын, өзгөчө балдардын коопсуздугун камсыз кылуу үчүн адам курмандыктарын болтурбоо максатында өтө сабырдуу болууга чакырабыз", – деп баса белгилеген.

Айта кетсек, 18-май күнү өкмөт башчы Мухаммедкалый Абылгазиев Ислам Кызматташтык Уюмунун кезексиз саммитине катышуу үчүн Стамбул шаарына учуп кеткен.

Автор: Бекболсун Молдояр уулу

12:25 19-05-2018

Жазылуу

РУБРИКАДАГЫ СОҢКУ КАБАРЛАР

09:15 2025-07-06 | Коом жана турмуш

Бүгүнкү күнгө карата чет элдик валюталардын курсу 203 0

09:14 2025-07-06 | Коом жана турмуш

Жайлоодо туристтерди чакырып, даамдуу тамактарды жасаган "чабан бала" менен маек 4342 0

18:13 2025-07-05 | Түркүн дүйнө

Трамп TikTok'ту сатып алуу келишими даяр экенин айтты 1291 0

17:10 2025-07-05 | Коом жана турмуш

Таңкы рейдде Оштун мэри дагы бир көчөгө асфальт басууну чечти (видео) 1739 0

16:05 2025-07-05 | Коом жана турмуш

Көтөрүп алып чуркап... Бишкекте потрулдук милиция эсин жоготкон кызга жардам берди (видео) 2137 0

15:23 2025-07-05 | Кылмыштар, кырсыктар

Бишкекте 70 миң доллар опузалаган жаран 5 миң алып жатып кармалды (видео) 1916 0

Архив

Комментарийлер (4)

Matahara1980

2018-05-19 15:56:32

Кыргызстандын жерлери учун тынчсыздангыла газаны эмне кыласынар, кытайларлардан карыз ала берип жердин барын алдырбасанар болду, ошону ойлогулачы

Kg-samsung

2018-05-19 18:17:20

Ото маанилуу соз суйлоптур. Бизде копчулунун позициясы угундай болсо керек

iryi1

2018-05-19 18:55:55

Биздин колубуздан эч нерсе келбейт. Андан коро озубуздун проблема-ды чечип алалычы.

amirrus

2018-05-19 19:50:36

бироого тынчсызданганды ким койду?Баткенде чек арага тынчсыздан,олкодогу коррупцияга тынчсыздан,элди араласан .отуно кирет тынчсыздана турган нерселер.Биринчи озубузду эптеп алайлы анан бироого тынчсызданалы.Тынчсыздансан жардам бере аласынбы...жооок

Комментарий калтыруу үчүн өз ысымыңыз менен кириңиз же каттоодон өтүңүз.