СУПЕРСТАН: Келчи кучагыма!

SUPER.KG порталынын "Суперстан" бөлүмүндө "Келчи кучагыма!" деген тема талкууга алынган.

Автор: "Сиз түгөйүңүз же сүйүктүү адамыңыз менен көп кучакташасызбы? Же башка адамдар менен дагыбы? Кучакташуу сизге кандай сезим калтырат жана пайдасы барбы?

Мен өтө капа болгондо жолдошум менен кучакташсам, мени жаман нерселерден сактап тургандай сезилет. Анан, албетте, кучакташып сагынычты да таратабыз. Кичинекей балам дагы "мама мени кучап (кучактапка тили келбейт) жатчы" деп калат. Азыр кыз-жигит кездеги сүрөттөрдү карасам баарында кучакташып түшкөн сүрөттөр. Анан да, апам менен кучакташканда кадимкидей кубат алгандай болом. Кучакташуу менимче, адамдарга өтө пайдалуу болсо керек. Адамдан кандайдыр бир колдоо, энергия аласың, жеңилдей түшөсүң, энергия алмашуу десе да болот го", - деген билдирүүсүн калтырган.

Темадагы билдирүүлөрдөн:

- "Бирөөнү кучактагым келип жүрөт... Ошондой мүмкүнчүлүк болуп калса, өпкө-жүрөгү куушурулуп, арка сөөктөрү кычырап кетет го байкуш назик жандын".

- "Эне сени кучактап жаткан убакта, сени болгон кайгы-капаңдан арылтып, кубанычыңа кубаныч кошуп, ооруп турсаң, дартыңа даба болот... Бул кучакташууну эне гана бере алат, энеден гана сезе аласың. Бир туугандарды, дос-курбуларыңды, бөбөктөрдү кучактоо бул да өзүнчө керемет. Ал эми сүйгөн адамың менен кучакташуу - бул өзгөчө ырахат, кучагынан чыкпай өмүр бою кучакташып эле жүргүң келет".

- "Мен бир адам менен кучакташып турганды жакшы көрөм... Эч алыстагым келбей, катуу кысып алып жытын искеп тура берем, ошонун кучагын сагындым. Анан сиңдилерим бар, аларды акырын кысып, эркелетип, далыга чаап коём".

- "Эң сонун да, кучакташуу! Мен ата-энемди кучактаганды аябай сагындым. Келгилечи кучагыма!"

- "Мени кучактаса билбейм, бирок мен кысып кучактасам "бирөөнү" баардык нерсе унутулуп, жашоо сонун экенин билип калгандаймын".

- "Мен атамды катуу кучактап, сагынганымды айтып, ыйлап алгым келип жүрөт. Апамды кучактап, эркелесем кичине жеңилдейм. Анан кучактап уктап калам. Бир туугандарымдын кучагына кирип эркелей берем".

- "Мен эң биринчиден, апамды кучактаганды жакшы көрөм. Азыр болсо бир бала бар, аны "жигит" деп коём. Жигитиме кантип сагындың десем, мени катуу кысып кучактайт, канчалык катуу сагынса, ошончолук катуу кысат, бир күнү кысып атып тумчуктуруп салбаса эле болду..."

Талкууга кошулгуңуз келсе, бул жакка баш багыңыз.

Автор: Жаңылай Кекеева

19:00 21-05-2018

Жазылуу

РУБРИКАДАГЫ СОҢКУ КАБАРЛАР

23:41 2025-07-03 | Түркүн дүйнө

Парижде Макрондун жубайынын айланасындагы имиштерге байланышы бар хирургдун сөөгү табылды 1921 0

22:54 2025-07-03 | Түркүн дүйнө

Грециянын Крит аралында ири өрт чыкты 332 0

22:21 2025-07-03 | Коом жана турмуш

Чоң-Кеминде 1 тоннадан ашык кара куурай жок кылынды (видео) 328 0

21:47 2025-07-03 | Коом жана турмуш

89 жыл мурун МАИ кызматкерлери кандай унаалар менен кызмат өтөгөн? (видео) 1098 0

21:07 2025-07-03 | Түркүн дүйнө

Пашинянга импичмент жарыялоонун демилгечиси Армения парламентинде жаңжал жаратты (видео) 1159 0

20:05 2025-07-03 | Түркүн дүйнө

Жол кырсыгынан каза тапкан атактуу футболчу 11 күн мурун үйлөнгөн (видео) 2817 0

Архив

Комментарийлер (5)

jengoo

2018-05-21 19:26:32

Келгилечи кучакташалы

-10

Ernic

2018-05-21 20:07:00

jengoo,Чык эшике! Бул жактын кыздарын эже-карындаштарыңдай көрбө!

+12

Anarushka

2018-05-21 19:44:40

Суперстандын кайсы темасында экен

-4

Ernic

2018-05-21 20:17:24

Anarushka,
https://www.super.kg/superstan/index.php?showtopic=28135

yrmat88

2018-05-21 20:33:17

Жаным, алтыным келчи кучагыма. Берекем, таттуум, жалгызым таарынчагым, уялчагым. Сени ушул туну бир кучактап, тошокто розадай болгон жытындан жыттап, эркелетип, жумшак диванда ары оонап, бери оонап тан аттырсак арманым жок эле. Бар болчу жаным. Сен менин эрмегимсин, кундузу дагы, тункусу дагы, чырагым менин Айперим.

-7

Комментарий калтыруу үчүн өз ысымыңыз менен кириңиз же каттоодон өтүңүз.