"Чиновник санавиацияны Кочкорго себепсиз чакыртты" деген маалымат боюнча Эсептөө палатасы кызматтык иликтөө жүргүзөт

"Чиновник Санавиацияны Кочкорго себепсиз чакыртты", - деген маалымат боюнча Эсептөө палатасы кызматтык иликтөө жүргүзөт. Бул тууралуу 22-майда Эсептөө палатасынын маалымат катчысы SUPER.KG порталына билдирди.

Маалымат катчынын билдирүүсүнө ылайык, социалдык тармактарга жана ЖМКга "Эсептөө палатасындагы чиновник тууганы реаниматологдорго муктаж болбосо да санавиацияны чакыртып, убарага салды", - деген маалымат тарагандан кийин дароо кызматтык иликтөөнү баштаган.

"Учурда бул боюнча атайын комиссия түзүлүп, айтылып жаткан кептердин чоо-жайы иликтенүүдө. Эгерде иликтөөнүн жыйынтыгында чын эле Эсептөө палатасынын кызматкери тарабынан кызматынан пайдалануу, эрежелерди бузуу болгон болсо катуу чара көрүлөт", - деп айтылат мекеменин маалыматында.

Буга чейин социалдык тармактын Нурзат Жумалиева аттуу колдонуучусу 8 сааттык убактысын Эсептөө палатасындагы чиновниктин тууганы үчүн Кочкорго барып келүүгө коротконун, чынында бейтап реаниматологго муктаж болбогонун билдирип пост жазганы маалымдалган.

Анын бул постун дагы бир колдонуучу колдой турганын айтып чыккан. Ал дарыгерлерге карата чиновниктер тарабынан мындай мамиле көп эле жасаларын белгилеп, Эсептөө палатасында иштеп, санавиацияны чакыртты делген кызматкердин аты-жөнүн да жазган эле.

Бул боюнча маалымат катчы: "Мен чынында Эсептөө палатасында көп жылдан бери иштейм, көбүн тааныйм. Бирок инспекторлор көп, баарын жатка билбейсиң. Бизде ушундай кызматкер бар же жок деп айта албайм. Баары кызматтык иликтөөнүн жыйынтыгында белгилүү болот", - деди.

Автор: Кызжибек Раимова

07:34 23-05-2018

Жазылуу

РУБРИКАДАГЫ СОҢКУ КАБАРЛАР

20:51 2025-07-04 | Кылмыштар, кырсыктар

Люксенбургдагы жол кырсыгынан каза болгон баланын жакындары акыйкат издейт (видео) 514 0

19:34 2025-07-04 | Супер-Инфо

Башкы ролу жок, бирок экинчи пландагы актёрлордун жылдызы Ким Вон Хэ 168 0

19:14 2025-07-04 | Түркүн дүйнө

Голливуд актёру Майкл Мэдсен каза болду 677 0

18:53 2025-07-04 | Коом жана турмуш

Маданият министрлиги актёр Бакыт Мукулдун кайрылуусуна жооп берди 947 0

18:05 2025-07-04 | Коом жана турмуш

Азербайжандын ЖОЖдоруна документтерди тапшыруу мөөнөтү узартылды 314 0

17:53 2025-07-04 | Супер-Инфо

Азамат Отунчиев, обончу: “Сахнага 6 жашымда Чубак Сатаев алып чыккан” 228 0

Архив

Комментарийлер (2)

marat88

2018-05-22 20:08:49

Туура баардык эле жерде тилекке каршы даарыгерлерге ушундай мамиле жасалат. Аты эле санавиация болбосо эски УАЗ автомашиналар менен барылат. Реанимация болумуно чейин чондугун салып кирген чондорубуз бар. Мыйзам баарына бирдей экенин айтсан озундун эле жетекчилерин креслосунан коркуп бужуруп алганын коргондо кыжырын келет. Ошол эле убакта жарды адамдын баласына кымбат даарыдан сурасан баш тартышканда айла жок бай ийкейсин. Иштегин келбей кетет ошондой убакта.

TazaKyrgyz

2018-05-23 08:33:38

Туугандар карга карганын козун чукубайт

Комментарий калтыруу үчүн өз ысымыңыз менен кириңиз же каттоодон өтүңүз.