Улуттук госпиталь: "Кочкордон санавиация менен алынып келген бейтап Эсеп палатасындагы чиновниктин тууганыбы, жокпу билбейбиз. Анын абалы оор"

Кочкор райондук аймактык ооруканасынан Бишкектеги Улуттук госпиталга санавиация аркылуу алынып келген бейтаптын абалы оор. Бул тууралуу госпиталдын Ыкчам жана пландык кеңеш берүү медициналык жардам көрсөтүү бөлүмүнүн (санавиация) башчысы Нарынбек Акматов SUPER.KG порталына бүгүн, 23-майда билдирди.

Анын айтымында, санавиацияга 21-майда саат 15:40 чамасында Кочкор райондук аймактык ооруканасынын жандандыруу бөлүмүнүн башчысы Жумадилов чалган. Ал ооруканадагы 16 жаштагы кыздын абалы 3 күндөн бери оор болуп, калтырап жатканын айткан. Бейтап орозо кармап, эсин жоготуп жыгылып, калтырак баса баштаганда Кочкор райондук ооруканасына жаткырылган.

"Адегенде Кочкор районундагы дарыгерлерге биздеги невролог Алымкулов кеңеш берген. Анда бейтаптын абалы туруктуу делген. Ошондо Кочкордон Бишкекке унаа менен эле алып келүү сунушталган. Бирок райондогу дарыгерлер бейтаптын абалынын оордугунан чочулашты. Буга байланыштуу ошол эле күнү саат 17:30да невролог жана реаниматолог дарыгерлердин тобу санавиация менен Кочкорго барышты. Саат 20:30да невролог бейтапты текшерүүдөн өткөрүп түшүнүксүз этиологиядагы калтырак синдрому деген аныктама койгон. Кочкор райондук ооруканасынын неврологунун талабы менен Улуттук госпиталдын интенсивдик терапия бөлүмүнө жаткырылды. Учурда абалы оор, өз алдынча кыймылдай албайт", - деди Акматов.

Ошондой эле ал санавиацияны аталган бейтапка жөнөтүү жөнсүз болбогонун белгилеп, мындай кабарды тараткан кызматкер менен бүгүн жолугушуп, окуянын чоо-жайын сүйлөшө турганын кошумчалады.

"Менде бул бейтап Эсептөө палатасынын өкүлүнүн тууганы же дагы башка чиновниктин тууганы деген маалыматтар жок. Ошондой болсо да, болбосо да бул учурда ушундай кадам жасалмак. Өзүңүздөр ойлонуп көрүңүздөр, 16 жаштагы жаш кыз, 3 күндөн бери эсин жоготуп калтырап жатса аракет көрүлүшү керек да. Ал эми реаниматолог Нурзат Жумалиева менен Эсептөө палатасынын кызматкери санавиацияны жөнсүз чакыртты деген маалыматты тараткандыгы боюнча бүгүн сүйлөшөм", - деп кошумчалады Акматов.

Эске салсак, буга чейин социалдык тармактын Нурзат Жумалиева аттуу колдонуучусу Эсептөө палатасындагы аткаминер аял тууганы үчүн санавиацияны жөнсүз чакырткандыгы боюнча маалымат таратып, анын бул билдирүүсү интернетте кызуу талкуу жараткан. Андан соң Эсептөө палатасы бул билдирүү боюнча мекемеде атайын комиссия түзүлүп, кызматтык иликтөө башталганын кабарлаган.

Автор: Кызжибек Раимова

15:47 23-05-2018

Жазылуу

РУБРИКАДАГЫ СОҢКУ КАБАРЛАР

20:51 2025-07-04 | Кылмыштар, кырсыктар

Люксенбургдагы жол кырсыгынан каза болгон баланын жакындары акыйкат издейт (видео) 1429 0

19:34 2025-07-04 | Супер-Инфо

Башкы ролу жок, бирок экинчи пландагы актёрлордун жылдызы Ким Вон Хэ 341 0

19:14 2025-07-04 | Түркүн дүйнө

Голливуд актёру Майкл Мэдсен каза болду 1204 0

18:53 2025-07-04 | Коом жана турмуш

Маданият министрлиги актёр Бакыт Мукулдун кайрылуусуна жооп берди 1542 0

18:05 2025-07-04 | Коом жана турмуш

Азербайжандын ЖОЖдоруна документтерди тапшыруу мөөнөтү узартылды 488 0

17:53 2025-07-04 | Супер-Инфо

Азамат Отунчиев, обончу: “Сахнага 6 жашымда Чубак Сатаев алып чыккан” 366 0

Архив

Комментарийлер (8)

almanbetperm

2018-05-23 15:59:42

Кызды кысат экенсинерда

asil-08

2018-05-23 16:04:34

Тобаа мындай врач аялга окшогон, нысапсыз докторлор Кыргыз элинде азыраак болсо экен.

ma2as

2018-05-23 16:12:29

asil-08, Врач реаниматолог жок жерден жини келип жазбагандыр . Ал эми Акматовго санавияцанын башчысына , биринчи очеред Нац,Госпиталдын дироктору буйрутма берсе керек , состояниеси оор деп кой деп . Ал эми директорго Жогор жактан , оруну жоготкун келбесе бир жансыл кыл деп . Озуно ишенген ак врач , туура суйлоп чыкса да эми ал врачты каралап иштен айдайт. Молодец ушундай врачтар кобое берсин , эч нерседен коркпой туура суйлогон .

TazaKyrgyz

2018-05-23 17:16:18

ma2as,ээ тууганым созсуз приказ берди да абалы оор де деп эсептоо палатасы,если чо мага кунунор тушот деп

baizakov85

2018-05-23 16:11:42

Мындай кара пиярды жакшы коргон врачты жоопко тартыш керек.

BarsBaatyr

2018-05-23 19:54:58

Элдин баарына ушундай чара корулсо кана.Бир кыйындын жакыны учун жасалды да.Жонокой карапайым калк арасында учурунда жардам корсотулбой,аягында олумго дуушар болгондор миндеп саналат.Авиация бул жакта турсун,мындан эки жыл мурун келинчегим катуу ооруп калып тунжарымында райондук тез жардам болумуно алып барсам литический укол сатып кел деп дарыканага жиберген.Дарыканалардын баары жабык экен десем, анда эч нерсе кыла албайбыз деп сыртка чыгарып койгон.Мындай мамилелер карапайым калкка дайыма жас

surgeon777

2018-05-24 01:45:42

Нурзат эже бекер кылдыныз,эми ак экенинизди далилдеш кыйын болот,абалы оор болчу деп далилдеп берип коюшат,биз билебиз кандай болгонун..

Iridiym95

2018-05-24 03:39:41

Олойун деген адамга тез жардам чакырсан келбейт го? Санавиация мындай турсун.

Комментарий калтыруу үчүн өз ысымыңыз менен кириңиз же каттоодон өтүңүз.