Жалал-Абадда Акыркы коңгуроодо окуучуларды унаасы менен сейилдөөгө алып чыккан айдоочуларга чара көрүлөрү эскертилди

Жалал-Абадда Акыркы коңгуроодо окуучуларды унаасы менен сейилдөөгө алып чыккан айдоочуларга чара көрүлөрү эскертилди. Бул тууралуу Жалал-Абад облусундагы Жол кыймылынын коопсуздугун камсыздоо бөлүмүнүн басма сөз кызматынан билдиришти.

"Жалал-Абад облустук Жол кыймылынын коопсуздугун камсыздоо бөлүмүнүн кызматкерлери Жалал-Абад шаарындагы эл ташыган каттамдардын жана үлпөт тойлордо, салтанаттарда коштоп жүрүүчү кымбат баалуу унаалардын ээлери менен жолугушту. Аларга окуучуларды унаалары менен ташыганы же кандайдыр бир салтанаттуу иш-чараларга катышканы аныкталса катуу чаралар көрүлөрү эскертилди. Ошондой эле алардын ар бирин кол койдуруп алышты. Бул иш-чара азыр Жалал-Абад шаарынын аймагында өткөрүлдү, бирок облус боюнча эскертүүлөр айтылат, облус аймагында кармалган айдоочуларга да чаралар көрүлөт", - деп билдиришти басма сөз кызматынан.

Автор: Кенжебай Сатканалиев
Фото: Басма сөз кызматы