Эски унаада жалгыз жашаган Алтын Отомбаеванын баласы: "Апам үйгө жашабай качып кете берет"

Эски унаанын ичинде жалгыз жашаган Алтын Отомбаеванын Кара-Балта шаарында жашаган балдарынын да пикирин SUPER.KG порталы угуп келди.

Баласы Толиктин айтымында, апасы психикалык жактан жабыркайт.

"Бул видео коомчулукка тарагандан бери жумушка чыга албай калдым. Мага телефон чалып коркуткандар болуп жатат. Кечээ бирөө чалып каяктасың, мен азыр барам, энеңди таштаганды көрсөтөйүн деди. Мен ага жолуккан жокмун. Ооба, апам өзүнчө жашайт, үйү өрттөнүп кеткенине 3 ай болду. Буга чейин да ошондой болгон. Бирок оңдоп берсең карабайт, кетип калат. Анан үйгө селсаяктар кирип, жашап алат. Акыркы жолу да ошондой болгон. Апам кааласа машинамды сатып деле үйүн оңдоп берем. Менин же кыздарынын үйүнө жашай бер десек, "Дордой" жактагы күйөөсүнө качып кетет. Бир гана колу-бутунан эле байлап койбосок кармай албай калдык. Арданып өлмөй болдук", - деди ал.

Алтын Отомбаева менен көп жылдан бери кошуна жашаган Мария аттуу аял буларды кошумчалады.

“Алтын эжени мен келин болуп келгенден бери билем. Ал үйүндө 3-4 жылдан бери жашабай калды. Мунун айынан үйүнө селсаяктар кирип жүрүп, өрттөнүп кетти. Бул кишини да туура түшүнгүлө, өзү оорукчан адам. Өзүнчө жашаганды жакшы көрөт. Балдары бар, баары жакшы турушат. Бирден машина тээп жүрүшөт. Уулу менен деле канча жылдан бери коңшу турам, аялы деле жакшы. Болгону Алтын Отомбаева аларды укпайт", - деди кошунасы Мария.

Эске салсак, "Дордой" базары тарапта эски унаанын ичинде жалгыз жашаган Алтын Отомбаева буга чейин өзүнүн тагдыры тууралуу айтып берген эле.

Унаада жашаган эненин уулу "Апамдын үйүн оңдоп берсек да кетип калат" дейт

Автор: Максат Орозумбетов
Фото: Мундуз Нурланбек уулу

19:00 27-05-2018

Жазылуу

РУБРИКАДАГЫ СОҢКУ КАБАРЛАР

20:51 2025-07-04 | Кылмыштар, кырсыктар

Люксенбургдагы жол кырсыгынан каза болгон баланын жакындары акыйкат издейт (видео) 1429 0

19:34 2025-07-04 | Супер-Инфо

Башкы ролу жок, бирок экинчи пландагы актёрлордун жылдызы Ким Вон Хэ 341 0

19:14 2025-07-04 | Түркүн дүйнө

Голливуд актёру Майкл Мэдсен каза болду 1204 0

18:53 2025-07-04 | Коом жана турмуш

Маданият министрлиги актёр Бакыт Мукулдун кайрылуусуна жооп берди 1542 0

18:05 2025-07-04 | Коом жана турмуш

Азербайжандын ЖОЖдоруна документтерди тапшыруу мөөнөтү узартылды 488 0

17:53 2025-07-04 | Супер-Инфо

Азамат Отунчиев, обончу: “Сахнага 6 жашымда Чубак Сатаев алып чыккан” 366 0

Архив

Комментарийлер (51)

Burulai91

2018-05-27 07:47:36

Ата энен жинди болсо "байлап"бак деген соз бар!

Rysbek91

2018-05-27 08:28:44

Адам каарыган сайын жашбала кыял болуп калат экен.

Tyty1990

2018-05-27 09:33:59

Акыркы кезде бул кайрым суроо бизнес болуп калгандай. Акчаны эптеп жемей жолу

Nurkyz1977

2018-05-27 10:43:43

Мен мурун да ушу пикиримди жазгам куноо ушу аялдын озундо баардыгы энеден болот. Ар адам намыской,сабырдуу болуш керек,минтип кайра балдарынын бетине коо жаппай. Мыкты эне балдардын жакшысын чыгарып,жаманын жашырып олсом да уулумдун улагасында олойун дейт. Биз да энебиз балдарыбыз бар КУДАЙ сактасын! Уйдон качкан адам жакшы адамдын жоругу эмес,балдар кантсин бир ай камайт мейли бир жыл камайт,кечке апасын камап отура бербейт да анын да тиргилиги бар дегендей. Он баланын баары кантип жаман болсун

portugalia

2018-05-27 10:51:43

Балдарына деле кыйын экен.Апасын баштап тарбиялай алышпайт да.

Jango

2018-05-27 12:16:38

Супер инфо силер да байкап сураштырып чыгарсанар мындай темаларды балдары бар экен алардан сураштырып дегендей бирок окунучтуу окуя

kalima88

2018-05-27 12:52:00

Jango,ырас эле тактап жазышса болмок, биз жардам бергени жатканбыз.

Kroxa

2018-05-27 13:53:00

Эмнеси болсо да чогулган каражатка уйун ондоп берип койгула дальше корунот ар жагы кимиси калп кимиси чын экени..

O.dembele

2018-05-27 19:00:45

Анда ушул Автобусду Евро кылып ондоп берип койгула

doni89

2018-05-27 19:43:58

Негизи ападан интервью алып туруп балдарынан да ошол жакта жашаган кошунасынанда интервью алып эки жактуу карап анан чыгарсанар болмок жанылыкты....апанын интервью сунан кийин балдарына канчалаган наалатар айтылды...Ошого Ар бир адам бир нерсе жазаардан мурда ойлонуп жазса жакшы болмок бир тараптуу карабай...

newman

2018-05-27 23:13:14

Жашыңда берсин мээнетти, карыганда берсин дөөлөттү.

aqua-94mema

2018-05-28 00:42:13

Кыргызстанда. Ата энесин таштаган балдар жокго эсе .ошо толук маалымат чыккыча унчукпай турган болчумун .биздин айылда бир чал бар болчу пенсиясын алса эле. Катын алып жатып калчуу балдарын небере чоборолорун козго илбей,каарыганда адамга ынсап берсин .Супер Инфо сураныч кийинки санында толук турдо репортаж кылгылачы журокту сыкпай

Nora

2018-05-28 00:55:55

baarybyz duinogo ustun bolboibuz da kairtaiabyz degendei, kartaisak jakshynaa bolup kartaisak eken dep oilop kaldym yiman ynsap bolsun eken.

aydinnur

2018-05-28 01:37:45

Мен башка соц тармактан балдарына болушуп жаттым эле кечөө,аным туура чыгыптыр.. Анткени мындай окуя биздин үй бүлөнүн да башыбызда бар...Жетөөбүздү бири-бирибизге жана да башкаларга арак алдырып ичиш үчүн жамандап жүрөт апабыз... Дагы жакшы кошуна колоң билет биз кандай экенибизди.. Айла жок апабыз.. Бул ичкен адамдын башы менен кетет, эжеге ыйман, балдарына сабыр.. башка айтаарым жок.. Ичкен киши менен жашагандар түшүнөт балдарын..

guli-1980

2018-05-28 11:55:15

Дордой жактагы куйоосуно эрге бергиле Анда. Атан олсо апанды куйоого чык леп айтыш балдарынын милдети. Ошол кишини киргизип бергиле жашай беришсин

kadam

2018-05-28 14:54:18

Карыган адамдардын баары эле ыймандуу, адептүү боло бербейт. Кээ бири улгайганда көчөгө чыгып кетүүнүү самайт, кээ бири ичкиликке оойт. Соц.өнүктүрүү бөлүмүнүн кызматкерлери аялдын жагдайын тыкыр териштирип анан коомчулукка туура маалымат таратып койсо болмок.Сыртынан эле баа берип, сындай бергенден алыс бололу.

Комментарий калтыруу үчүн өз ысымыңыз менен кириңиз же каттоодон өтүңүз.

Эски унаада жалгыз жашаган Алтын Отомбаеванын баласы: "Апам үйгө жашабай качып кете берет"

Унаада жашаган эненин уулу &quot;Апамдын үйүн оңдоп берсек да кетип калат&quot; дейт

РУБРИКАДАГЫ СОҢКУ КАБАРЛАР

Унаада жашаган эненин уулу "Апамдын үйүн оңдоп берсек да кетип калат" дейт