Кечээ, 28-майда Жалал-Абад облусуна караштуу Сузак районундагы Көк-Арт дарыясына 7 жаштагы жеткинчек агып кетип каза болгон. Бул тууралуу ӨКМнын басма сөз кызматы билдирди.
"28-май күнү кечки саат 19:00 чамасында Таш-Булак айыл аймагында Көк-Арт дарыясына 2011-жылы туулган Т.У.М. аттуу бала агып кеткен. Издөө иштерине жалпысынан 19 куткаруучу жана Сузак РИИБинен 25 кызматкер тартылган. Ошол эле күнү саат 20:50 чамасында куткаруучулар баланын жансыз денесин таап, ата-энесине өткөрүп беришкен", - дейт басма сөз кызматы.