СУПЕРСТАН: "Мисалы, Кадыр Ырыс... Фамилияны кыргызчалоого кандай карайсыңар?"

SUPER.KG порталынын "Суперстан" бөлүмүндө "Кыргызча фамилияларды колдонолу" деген тема талкууга алынган.

Автор: "Урматтуу форумчулар, кыргыздар үчүн адамдын аты-жөнү -ев(-ева), -ов(-ова) деп аяктаган фамилияларга "жок!" деп айтууга мезгил келдиби? Менин оюмча келди. Кээ бирөөлөр үлгү болуп баштап да берген.
Мисалы, Садык Шер-Нияз, Мыктыбек Арстанбек, Нурлан Насип, Гүлзат Мамытбек жана башкалар. Же болбосо нукура кыргызча Акайтегин, Атайтегин, Асантегин, Үсөн уулу(кызы), Акжол уулу(кызы) деген сыяктуу фамилияларды колдонсок жакшы болот беле дейм. Кулакка да жагымдуураак угулат. Силердин оюңар кандай? Кыргызча фамилияларга өтөлүбү?" - деген суроолорду калтырган.

Темадагы билдирүүлөрдөн:

- "Алибекова, жакшы элеби же барып өзгөртөйүнбү? (тамаша). Мага мисалы, өзүмдүн фамилиям жагат, анан башкалар мени анча кызыктырбайт. Ал ар кимдин каалоосу да, биз бирөөнүн жашоосуна аралашуубуз менен анын укугун бузабыз го. Бирок мындай өзгөрүүлөр нормалдуу деп ойлойм. Жылдан-жылга, кылымдан-кылымга болуп келген нерсе, болуп кете берет да..."

- "Нурлан Насип документте Насипбек уулу эле. Азыр атасын теңтуш кылып ошентип жазмай мода окшойт. Мисалга алсак, Кадыр Ырыс деп кыскартып койгондор көбөйдү. Кимиси атасы, кимиси өзү экенин билбейсиң..."

- "Жок дегенде бир адам ушул сунушумду туура көрүп, баласына күбөлүк алып жатканда "-ов/-ев" дегенден баш тартса, мен теманы ачуудагы максатыма жеткен болор элем".

- "Кимиси атасы, кимиси өзү экенин билбегениң кызык экен. Мисалы, Гүлзат атасыбы же Мамытбек атасыбы оңой эле айырмаласа болот го. Же Дональд Трамп, Майк Тайсон, Рожер Федерер дегендерди кимиси аты, кимиси фамилиясы айырмалаш оорбу? "Атасына теңтуш болуп калат" дегендер үчүн "-тегин", "уулу (кызы)" деп өзгөртүүнү сунуштайм".

- "Азыр фамилияң жакпаса же өзгөртөм десең, эч ким сени кой дебейт. Союз доору эмес, мыйзам катуу болгудай. Керек болсо атын деле өзгөртүп алып жатышат, мисалы, Неля деп. Каалоочулар эми деле паспорт аларда өзгөртүп алса боло берет. Анын кыйын жайы жок. Бизди эч ким "-ов, -ова" болосуң деп зордоп жаткан да жери жок".

Талкууга кошулгуңуз келсе, бул жакка баш багыңыз.

Автор: Жаңылай Кекеева

19:53 29-05-2018

Жазылуу

РУБРИКАДАГЫ СОҢКУ КАБАРЛАР

20:51 2025-07-04 | Кылмыштар, кырсыктар

Люксенбургдагы жол кырсыгынан каза болгон баланын жакындары акыйкат издейт (видео) 1687 0

19:34 2025-07-04 | Супер-Инфо

Башкы ролу жок, бирок экинчи пландагы актёрлордун жылдызы Ким Вон Хэ 421 0

19:14 2025-07-04 | Түркүн дүйнө

Голливуд актёру Майкл Мэдсен каза болду 1360 0

18:53 2025-07-04 | Коом жана турмуш

Маданият министрлиги актёр Бакыт Мукулдун кайрылуусуна жооп берди 1735 0

18:05 2025-07-04 | Коом жана турмуш

Азербайжандын ЖОЖдоруна документтерди тапшыруу мөөнөтү узартылды 566 0

17:53 2025-07-04 | Супер-Инфо

Азамат Отунчиев, обончу: “Сахнага 6 жашымда Чубак Сатаев алып чыккан” 441 0

Архив

Комментарийлер (8)

Nevestkaa

2018-05-29 20:24:25

Мен да фамилямды -овадан өзгөрткүм келет бирок паспортуму эле эмес,аттестат,дипломду да балдардын күбөлүктөрүн да өзгөрткөнгө туура келсе кк а мага азырынча мындай"түйшүк"ашыкча.

Bayastankyrgyz

2018-05-29 20:49:39

Жакшы кеңеш.. (уулу) )(кызы) жазылса кыргызга таандык болор беле

bond02

2018-05-29 20:58:13

башка ишинер жокпу кылаарга? же автор паспорт столдо иштейсинби, адамга пайдалуу нерсе ойлоп тапсанар ойду тоону ойлонбой.

Asat17

2018-05-29 21:12:27

Мисалы мен колдойт элем, уулу, кызы деп аталса. Мисалы Алтынбек Максат уулу, Жибек Максат кызы дес.

Abdyrawit

2018-05-29 21:55:57

Мен ов-го өтөм деп жүрөм. уулу кызы деген графалар башка өлкөдө кыйынчылык жаратат экен. Графаларды иш кагаздарына толтуруп жатканда Аты деген жерине уулу туура келип калып көйгөй жаралат экен.

Kroxa

2018-05-29 21:58:34

Андайлар болбоду беле кызы,уулу дегенбиз бирок чет олко андай документ жараксыз болуп калат экен окууларына кайра орусча кылгам балдарымдын баарын жон эле убара болбосонор..

moskoy

2018-05-29 23:55:03

Ушундан коро улутту жазалы деген теманы которсонор боло.Паспортто улут жок деген биздин эч ким эмес экендикти билдирет .Намысыбыз кайда улут жоголсо кыргыз жоголот.

Bols

2018-05-30 00:48:14

улутту жоготуш туура эмес паспортту кайра башынан чыгарыш керек

Комментарий калтыруу үчүн өз ысымыңыз менен кириңиз же каттоодон өтүңүз.