"ЭЛДИК КАБАРга" жооп: Министрлик: "Эгиз балдарга сүйүнчү пул берүүдө артыкчылыктар каралган эмес, ар бир балага 4 миң сомдон берилет"

Эгиз балдарга сүйүнчү пул берүүдө артыкчылыктар каралган эмес, башка балдар сыяктуу эле эгиздердин ар бирине 4 миң сомдон берилет. Бул тууралуу Эмгек жана социалдык өнүгүү министрлигинин маалымат катчысы Кымбат Кадыралиева SUPER.KG порталына билдирди.

Буга чейин "Элдик кабардын" окурманы эгиз балдардын энеси экенин айтып: "Аларга сүйүнчү пул берүүдө артыкчылыктар каралганбы", - деген суроо салган эле.

"Ата-энелер эгер эгиз балалуу болушса, башка балдар сыяктуу эле ар бирине 4 миң сомдон сүйүнчү пул алышат. Кадимкидей эле керектүү документтерди тапшыруу шарт.

Алар:

• Ымыркайдын ата-энесинин паспорту
• Баланын күбөлүгү
• Жашаган жеринен маалым кат (каттоого турган жеринен эмес, факт жүзүндө жашаган жеринен)

* Банктык эсеби керек.

Андан кийин 2 ай аралыгында акчаны алышат. Бул убакытты кыскартуу үчүн дагы иш-аракеттер жүрүп жатат. Мындан тышкары ата-эне сүйүнчү акчаны алуу үчүн бала төрөлгөндөн кийин 6 ай убакыт өтө элегинде документ тапшырып үлгүрүү керек. Мурда бала 1 жашка чыкканга чейин сүйүнчү акча алууга документ тапшырса болот деген эреже бар болчу, биз анын убактысын кыскарттык. Ал эми эл арасында "Эгиз балдардын ар бирине 10 миң сомдон сүйүнчү акча чыгат" деп айтылып жаткан сөз туура эмес", - деди маалымат катчы.

Балага сүйүнчү пул алууда келип чыккан суроолордун толук жоопторун бул шилтемеден окуңуз.

Автор: Кызжибек Раимова

12:47 30-05-2018

Жазылуу

РУБРИКАДАГЫ СОҢКУ КАБАРЛАР

10:01 2025-07-05 | Коом жана турмуш

Ошто сууга түшүп кеткен эки өспүрүмдүн сөөгү табылды 35 0

09:40 2025-07-05 | Коом жана турмуш

Бишкекте үч эм наристе төрөлдү 174 0

09:20 2025-07-05 | Коом жана турмуш

Блог: Siberian Wellness – табияттын күчүн илим менен бириктирген компания. Тоолуу Алтай менен Новосибирскке болгон сапар 1779 0

20:51 2025-07-04 | Кылмыштар, кырсыктар

Люксенбургдагы жол кырсыгынан каза болгон баланын жакындары акыйкат издейт (видео) 1956 0

19:34 2025-07-04 | Супер-Инфо

Башкы ролу жок, бирок экинчи пландагы актёрлордун жылдызы Ким Вон Хэ 508 0

19:14 2025-07-04 | Түркүн дүйнө

Голливуд актёру Майкл Мэдсен каза болду 1536 0

Архив

Комментарийлер (2)

ady-88

2018-05-30 15:23:12

Россияга окшотуп материнский капитал деп мыйзам киргизип ар Экинчи балага сертификат берсе жакшы болмок. Жаш уйбулолорго уй алганга же уй салып алганга материалдык жардам деп берилсе

Sahka

2018-05-30 16:01:20

Ушу 4000сомду эптей албай жатышат, кайдагы материнский капитал. Деги суйунчу алгандар барбы озу

Комментарий калтыруу үчүн өз ысымыңыз менен кириңиз же каттоодон өтүңүз.