Улан Жумаков: "УКМК биздин дипломаттардын Кытай үчүн иштеген же иштебегенин текшериши керек"

Улуттук коопсуздук мамлекеттик комитети дипломаттарды Кытайдын атайын кызматтары үчүн иштеген же иштебегенин текшериши керек. Мындай пикирин жарандык активист жана юрист Улан Жумаков жазып чыкты.

"Бишкек шаардык кеңешинин депутаттары азаматтар! Кытайдын пайдасына билдирүү жасаган “Кыргыздипсервисти” жоюу керек! Кыргыз жергесинин бир да сантиметри соодалашуунун маселеси болбош керек. Ким жер менен соодалашса, алар чыккынчылар. Биздин ата-бабаларыбыз ар бир жер тилке үчүн күрөшүп келишкен, ал эми кайдагы бир аткаминерлер 3 гектардан ашуун жерди кытайларга бергени жатышат.

Эч качан мындай сөз болбош керек, Кыргыз өлкөсүнүн жери ыйык жана кол тийгис. Силер, дипломаттар, маселени чечүүнүн башка жолун издегиле. Эл аралык маселелерди чече албасаңар, анда үйүңөргө кеткиле. УКМК биздин дипломаттардын Кытайдын атайын кызматтары үчүн иштеген же иштебегенин текшериши керек", - деди Жумаков.

Айта кетсек, кечээ, 30-майда Бишкек шаардык кеңешинин депутаттары Кытай элчилигине Бишкек шаарынан 3 гектардан ашык жер тилкесин берип, ордуна Пекинден 25 сотых жер алуу боюнча долбоорду кабыл алган жок. Долбоор боюнча бул жер тилкелери ижара иретинде 49 жылга алмашылмак.

Автор: Нургазы Аматов

11:31 31-05-2018

Жазылуу

РУБРИКАДАГЫ СОҢКУ КАБАРЛАР

09:59 2025-07-07 | Түркүн дүйнө

АКШ БРИКС уюмун колдогон өлкөлөргө кошумча бажы салыгын киргизет 45 0

09:58 2025-07-07 | Коом жана турмуш

Милиция сууга түшүүдө коопсуздук эрежелерин сактоону эскертти 26 0

09:57 2025-07-07 | Түркүн дүйнө

Трамп Газа секторундагы согушту токтотуу боюнча келишим келерки жумада ишке ашышы мүмкүн экенин айтты 48 0

09:52 2025-07-07 | Түркүн дүйнө

Ирандын жогорку лидери көптөн бери биринчи жолу эл алдына чыкты (видео) 92 0

09:48 2025-07-07 | Коом жана турмуш

ӨКМ Жумгалдагы жер көчкү тууралуу маалымат берди 109 0

09:42 2025-07-07 | Түркүн дүйнө

Түркиянын президенти Азербайжан менен Орусиянын ортосундагы чыр-чатакка комментарий берди 325 0

Архив

Комментарийлер (6)

1Adilet1

2018-05-31 11:52:05

Жер берилбейт

jbolotov

2018-05-31 12:10:53

Кыргызстан учун мекенибиз учун баарыбыз коомдук активист болуп турбасак мекенибиз сатылып кетмей болду окшойт. Ушуга окшогондорду атууга кетирген мыйзам болбосо абалыбыз ит ыйлайтурган болуп калдык чынында.

Bazake

2018-05-31 13:07:53

Жер берилбейт, буга президент жол бербейт. Ойлонбогула туугандар

-1

tnz

2018-05-31 13:29:43

Азаматсынар депутаттар ошондой болуш керек ар дайым ушундай нукта иштеш керек, Кыргызстандын пайдасын коздоп кайдагы бир болбогон нерселерге алданбай.

tnz

2018-05-31 13:32:59

Тышкы иштер министри ким экенин, озунун анык жузун корсотуптур мына бул кишини кечендетпей иштен алыш керек, коомчулук баарын билиш керек кимдин ким экенин. Кытайдан акча алып анан алардын арыгын чапкандарга чара коруш керек бул кишинин ким экенин ГКНБ текшерип чыксын.

Tokmokchu-1

2018-05-31 14:11:29

Кыргызлипсервисин ким тузгон, ким каржылайт, эмне иш кылат, баарын кылдат иликтеп, куноолуулорду камап жоопко тартуу керек...

Булар Кыргыздипсервис эмей эле Кытайдипсервис болуп алыптыр чын-чынында...

Комментарий калтыруу үчүн өз ысымыңыз менен кириңиз же каттоодон өтүңүз.