ЖЫЛНААМА, 1-ИЮНЬ: Бишкектин мэри Албек Ибраимов 51 жашка толду

Мындан 51 жыл мурун, 1967-жылы 1-июнда Бишкек шаарынын мэри Албек Ибраимов Фрунзе шаарында туулган. Учурда үй-бүлөлүү, 6 баланын атасы.

Билими:

Фрунзе шаарындагы №58-орто мектебин бүтүргөн, 1994-жылы Бишкек коммерциялык колледжин аяктаган, 1998-жылы "экономист" адистиги боюнча Кыргыз мамлекеттик улуттук университетин бүтүргөн.

Иш тажрыйбасы:

1987-1989-жылдары - "Тяжэлектромаш" заводунун слесардык-механикалык бөлүмүнүн устаты;

1989-1991-жылдары - Советтик армиянын катарында кызмат өтөгөн;

1992-1996-жылдары - "Илбирс" ААКсынын жумушчусу, башчысы;

1997-2001-жылдары - "Кыргызавтомаш" ААКсынын бөлүм башчысы, коммерциялык директору;

2002-2004-жылдары - "Кыргызавтомаш" ААКсынын аткаруучу директору;

2005-2006-жылдары - Кыргыз Республикасынын өнөр жай, соода жана туризм министринин кеңешчиси;

2006-2010-жылдары - ишкер;

2010-2011-жылдары - "Бишкек" эркин экономикалык зонасынын башкы директору;

2011-2012-жылдары - "Дастан" заводунун башкармалыгынын төрагасы;

2012-2013-жылдары - Кыргыз Республикасынын президентинин аппарат жетекчисинин орун басары;

2013-2016-жылдары - "Эл аралык "Манас" аэропорту" ААКсынын башкармалыгынын, директорлор кеңешинин төрагасы;

2016-жылдын 27-февралында Бишкек шаардык кеңешинин XXIX кезексиз сессиясында депутаттардын көпчүлүк добушу менен Бишкек шаарынын мэри болуп шайланган.

1-июндун жылнаамасы.

Автор: Нургазы Аматов