Депутат Зулпукаров чек ара боюнча өкмөттүк күн өткөрүүнү сунуштады

Жогорку Кеңештин 6-июндагы жыйынында депутат Төрөбай Зулпукаров Лейлек районундагы Кыргыз-Тажик чек арасы боюнча маселени көтөрүп, өкмөттүк күн өткөрүүнү сунуштады. Зулпукаровдун айтымында, чек арадагы жагдайды тез арада жөнгө салуу керек.

"Коңшу Тажикстан менен болгон чек ара маселесин көрүп жатасыздар. Жогорку Кеңеш чек арага жакын турган айылдарга өзгөчө статус берүү боюнча мыйзам кабыл алган. Ошондуктан мыйзамдын аткарылып жатышы, чек ара көйгөйлөрүн жөнгө салуу боюнча өкмөттүн аткарып жаткан иштери боюнча өкмөттүк саат өткөрүү керек. Биз бул маселени жайкы эс алууга кеткенге чейин карап чыгышыбыз зарыл", - деп сунуштады Зулпукаров.

Төрага Дастан Жумабеков июнь айында өкмөттүн 2017-жылы аткарган иши боюнча отчёту карала турганын, чек ара боюнча маселени да отчёт менен бирге кароого боло турганын айтты.

Депутат Зулпукаров чек ара боюнча маселе тараптардын коопсуздугу үчүн жабык өткөрүү керек болгондуктан өзүнчө өкмөттүк күн өткөрүү туура боло турганын белгиледи.

Жыйынтыгында сунуш Жогорку Кеңештин июнь айындагы календарлык планына киргизилди.

Белгилей кетсек, 4-июнь күнү саат 17:10 чамасында Баткен облусунун Лейлек районундагы Максат айылында Тажикстандын чек арачылары менен Кыргыз жарандарынын ортосунда чыр-чатак чыккан.

Автор: Жамалидин Парманкулов

10:22 06-06-2018

Жазылуу

РУБРИКАДАГЫ СОҢКУ КАБАРЛАР

13:47 2025-07-05 | Коом жана турмуш

Жайлоодо туристтерди чакырып, даамдуу тамактарды жасаган "чабан бала" менен маек 3190 0

13:01 2025-07-05 | Коом жана турмуш

Жеңишбек Токторбаев Ош шаарында дагы бир сейил бакты ачты 386 0

12:12 2025-07-05 | Коом жана турмуш

Бишкектин Тунгуч кичи районунда убактылуу ысык суу берилбейт 159 0

11:20 2025-07-05 | Кылмыштар, кырсыктар

УКМК Ноокаттагы мурдагы айыл өкмөт башчысын кармады 803 0

11:13 2025-07-05 | Түркүн дүйнө

АКШнын Техас штатында селден кеминде 24 адам каза болду 417 0

10:17 2025-07-05 | Коом жана турмуш

Чоң Чүй каналында 50 жаштагы жаран изделүүдө 360 0

Архив

Комментарийлер (3)

salimbek87.kg

2018-06-06 10:46:57

Туура тезиреек чек ара маселесин чечпесе болбой калды силер чоңдор тажикстан өзбекстанга делегат болуп барганда же алар келгенде ошол жерде жашаган элден 5-6 аксакалындарын ала барыңыздар себеби ал жерде жашап жаткан кара пайым эл билет эмне болуп жатканын силер барасыңар эки чайнек чайга алданып эки кг гүрүчкө палоо басса ошого алданбай.азыр ошо максат айылында 60 үйдө кызыл китеп жок экен финский үйлөрдө өкмөт курган токтом чыгарып бериңиздер.

Rifle_I

2018-06-06 20:51:47

Чек ара деп чыркыраган Улукбек Кочкоровду губернатор кылып шайлап көрүш керек. Ошол жигит чеч алат окшойт. Кочкоров какшап келген видеолор бар.

Xanif.Kg

2018-06-19 07:45:21

Эх чегара чегара.

Комментарий калтыруу үчүн өз ысымыңыз менен кириңиз же каттоодон өтүңүз.