Депутат Жыпар Жекшеевге: "Силер элдин 62 пайызы жаңылыкты КТРКдан алат деп мактанбагыла"

"КТРК ишин жетиштүү аткара алган жок". Мындай пикирин депутат Абдывахап Нурбаев бүгүн, 6-июнда парламент жыйынында КТРКнын байкоочу кеңешинин отчёту каралып жатканда айтты.

Депутаттын пикиринде, КТРК буга чейин оппозицияны бир жактуу каралап келген.

Нурбаев КТРКнын байкоочу кеңешинин төрагасы Жыпар Жекшеевден "КТРК алдына коюлган милдетин так аткара алды деп ойлойсуңарбы?" деп сурады.

Жекшеев: "Аябай саясатташкан өлкө экенбиз. Колдон келишинче аракет кылдык. Айрым катачылыктар кетти. Бардык көрсөтүүлөрдү тиктеп отура албайт экенбиз. Депутаттарга жаккандай ишти аткара албаган болушубуз мүмкүн. Сурамжылоодо жарандардын 62 пайызы эң маанилүү жаңылыктарды КТРКдан алабыз деп жатат", - деп жооп берди.

Эл өкүлү КТРК депутаттарга эмес, элге жаккандай иштеши керектигин эскертти. "Силер элдин 62 пайызы бизди көрөт деп мактанбагыла. КТРКнын тарыхы чоң. Калган телеканалдар жакында эле пайда болду", - деди Нурбаев.

Ошондой эле талкууда КТРКнын жылдык бюджетинин 70 пайызы мамлекеттен, 30 пайызы жеке кирешеден каржыланары айтылды.

Автор: Бектур Токтоноев

13:18 06-06-2018

Жазылуу

РУБРИКАДАГЫ СОҢКУ КАБАРЛАР

13:47 2025-07-05 | Коом жана турмуш

Жайлоодо туристтерди чакырып, даамдуу тамактарды жасаган "чабан бала" менен маек 3190 0

13:01 2025-07-05 | Коом жана турмуш

Жеңишбек Токторбаев Ош шаарында дагы бир сейил бакты ачты 386 0

12:12 2025-07-05 | Коом жана турмуш

Бишкектин Тунгуч кичи районунда убактылуу ысык суу берилбейт 159 0

11:20 2025-07-05 | Кылмыштар, кырсыктар

УКМК Ноокаттагы мурдагы айыл өкмөт башчысын кармады 803 0

11:13 2025-07-05 | Түркүн дүйнө

АКШнын Техас штатында селден кеминде 24 адам каза болду 417 0

10:17 2025-07-05 | Коом жана турмуш

Чоң Чүй каналында 50 жаштагы жаран изделүүдө 360 0

Архив

Комментарийлер (9)

salimbek87.kg

2018-06-06 13:37:31

КТРК ка СДПКаны макташтан башка эч жаңылык айтпайт менимче жеке оюм менин айыбын жаап жашырып келет.Жаңылыктын 62пайызын албайт наборот 26 пайыз алат Ктркадан . Жаңылыктын туура жашырбай айтканын эл өзү таап алат.

Дарыгер

2018-06-06 13:39:35

Туура. Мен 2010 жылдан бери вообще корбойм КТРКаны. Суперден окуйм кундуго 10-15 жолу сонку кабар болумуно кирип

+10

BekAmir

2018-06-06 13:44:44

КТРК илгертен эле бийликтин камчысын чабат. Мисалы мен КТРКны такыр корбойм

Dembele84

2018-06-06 13:52:17

КТРК га караганда азыр super.kg порталы коп тараптуу жанылыктар менен элди камсыздап жатат.

Dalil

2018-06-06 14:08:08

КТРК 2005ке чейин Алга Кыргызстан, 2010го чейин Ак-Жол, андан бери ушул күнгө чейин СДПК партиясынын сөзүн сүйлөп келет. Орой айтканда күнкарама. Эч кимиси тыйбаган сөз эркиндигин АША тыйды. Канчалаган журналисттерге миллиондоп доо койду.

urmat-77

2018-06-06 14:09:35

Ушул жыпарга окшогон ХХХХХХХХ качан жоголот. (Чоң тамга менен жазгың келбейт)УХХХХХХХХ

admin_superstan

2018-06-06 16:02:05

urmat-77, кимдир-бирөөнү кемсинтип, мазактоого тыюу салынган! Эскертүү!

nazarKGZ

2018-06-06 14:43:00

суз канал ушакчы канал эски бойдон жаны програма ойлоп тапсан болот эле толка саясат

mirkaa5182

2018-06-06 16:07:16

КТРКны көрбөгөнүбүзгө канча болду, бир беткей жамандамай, чындыктан тайып кеткен...

Комментарий калтыруу үчүн өз ысымыңыз менен кириңиз же каттоодон өтүңүз.