Өкмөт башчы мамлекеттик ипотеканын жылдык үстөгүн 6 пайызга чейин кыскартууну карап чыгууну тапшырды

Мамлекеттик ипотеканын жылдык үстөгүн 6 пайызга чейин кыскартууну карап чыгуу керек. Бул тууралуу премьер-министр Мухаммедкалый Абылгазиев 6-июнда Мамлекеттик ипотекалык компаниянын ишмердиги тууралуу кеңешмеде билдирди.

Мамлекеттик ипотекалык компаниянын төрагасы Бактыбек Шамкеев "Жеткиликтүү турак жай 2015-2020" программасынын алкагында турак жай менен 3 миң 118 үй-бүлө камсыздалганын айтты. Ага жалпы 3,43 миллиард сомдон ашуун каражат жумшалган.

"Кыймылсыз мүлк сатып алууга насыя берүү менен катар компания тарабынан Нарын жана Бишкек шаарларында көп кабаттуу үйлөрдүн курулушу жүргүзүлүүдө. Курулушу аяктаган соң батирлерди андан кийинки сатып алуу менен 15 жылга чейинки мөөнөткө узак мөөнөттүү ижарага берүү каралууда", - деди Шамкеев.

Анын айтымында, ипотекалык насыялоонун негизги каржы булагы – өкмөттүн чечими менен берилген 2,8 миллиард сом өлчөмүндөгү бюджеттик ссуда болуп саналат.

Мамлекеттик ипотекалык компаниянын жылдык үстөгү 8-10 пайызды түзөт. Көрсөтүлгөн сумма бюджеттик ссуданын 2 пайыз чен менен берилишинен түзүлгөн. Коммерциялык банктардын кызматтары 4, Мамлекеттик ипотекалык компаниянын операциялык чыгымдары – 2 пайызды түзөт.

Премьер-министр Мухаммедкалый Абылгазиев Мамлекеттик ипотекалык компаниянын жетекчилиги жана коммерциялык банктар социалдык багытталган долбоорлордон акча таап жатышканына нааразычылык билдирди.

"Биздин жарандарыбыз эмгек акысынын жарымын насыя үчүн берүүгө мажбур болушууда. Алардын басымдуу бөлүгү өздөрүнүн турак жай шарттарын жакшыртуу үчүн карызга акча алып жатышат. Ошол эле учурда бул долбоорду ишке ашырууга ар тараптуу колдоо көрсөтүүгө тийиш жактар киреше тууралуу гана ойлоп отурушат. Буга жол бербешибиз кажет. Биз бюджеттен акчаны коммерциялык банктардын кирешесин өстүрүү жана ипотекалык компаниянын кызматкерлерине эмгек акы төлөө үчүн бөлгөн жокпуз", – деди өкмөт башчы.

Кеңешменин жүрүшүндө Мухаммедкалый Абылгазиев ипотекалык насыялоонун жылдык үстөгүн 6 пайызга чейин кыскартуу маселесин карап чыгууну тапшырды.

"Жеткиликтүү турак жай 2015-2020" программасы өз аталышына татыктуу болушу керек. Азыркы шарттар социалдык тармактагы жумушчулардын жана мамлекеттик кызматкерлердин басымдуу бөлүгү үчүн туура келбейт. Ипотекалык насыялоонун шарттарын жакшыртуу - өкмөттүн алдында турган башкы милдеттеринин бири", – деди Абылгазиев.

Өкмөт башчы калкка ипотекалык программанын шарттары тууралуу маалымдоо жана республика боюнча анын катышуучуларын кеңейтүү иштерин улантууну тапшырды.

Автор: Жамалидин Парманкулов

06:39 07-06-2018

Жазылуу

РУБРИКАДАГЫ СОҢКУ КАБАРЛАР

10:01 2025-07-05 | Коом жана турмуш

Ошто сууга түшүп кеткен эки өспүрүмдүн сөөгү табылды 35 0

09:40 2025-07-05 | Коом жана турмуш

Бишкекте үч эм наристе төрөлдү 174 0

09:20 2025-07-05 | Коом жана турмуш

Блог: Siberian Wellness – табияттын күчүн илим менен бириктирген компания. Тоолуу Алтай менен Новосибирскке болгон сапар 1779 0

20:51 2025-07-04 | Кылмыштар, кырсыктар

Люксенбургдагы жол кырсыгынан каза болгон баланын жакындары акыйкат издейт (видео) 1956 0

19:34 2025-07-04 | Супер-Инфо

Башкы ролу жок, бирок экинчи пландагы актёрлордун жылдызы Ким Вон Хэ 508 0

19:14 2025-07-04 | Түркүн дүйнө

Голливуд актёру Майкл Мэдсен каза болду 1536 0

Архив

Комментарийлер (7)

keba300989

2018-06-07 08:35:54

6 пайызга түшсө жакшы болмок, Дубайда 0,80 пайыздан берет экен ипотеканы.

Nanei

2018-06-07 09:21:10

Кредит деген балее болду,окмоттун жаштарга кымындай поддержкасы жок,суйунчу пул ду да эптеп септеп шылтоо айтып берьегендин аракетин кылышат.

Ermekbai

2018-06-07 11:21:20

Мамлекеттик ипотеканы кантип алса болот кимдерге берилет жана кайсы жерлерде берилип жатат толук жазгылачы супер инфо

Muratmipa

2018-06-07 12:26:19

Мамлекетте иштегендерге гана берилет экен а жеке ишкерлерге эмнеге берилбейт жеке ишкерлер деле салык толошотко бергиле бизге деле

Ermekbai

2018-06-07 15:23:35

Супер инфо сиздерден сураныч ушул мамлекеттик ипотеканы кантип алсак болот? Кандай адам ала алат (бизнеси бар, пенсионер, мамлекеттик иште иштеген ж.б) ошол берилген жерде туруктуу жашаган. Толук жаза кетсеңер жакшы болот эле

http

2018-06-07 15:33:03

Ermekbai, ушул жактан маалымат алганмын мен https://www.super.kg/article/show/38971?searchtext=ипотека

Ermekbai

2018-06-07 19:58:09

http,рахмат

Комментарий калтыруу үчүн өз ысымыңыз менен кириңиз же каттоодон өтүңүз.