Абактагы саясатчылар Асанов, Кадыров, Карыбековдун жаза өтөө мөөнөттөрү 4-6 жылга кыскартылды (тизме)

Бүгүн, 7-июнда абактагы саясатчылар Бектур Асанов, Кубанычбек Кадыров, Эрнест Карыбековдун иши Жогорку Сотто каралып, төмөнкүдөй чечим чыкты:

Бектур Асанов 8 жылга эркинен ажыратылсын (буга чейин 12 жылга кесилген);

Кубанычбек Кадыров 8 жылга эркинен ажыратылсын (буга чейин 12 жылга кесилген);

Эрнест Карыбеков 14 жылга эркинен ажыратылсын (буга чейин 20 жылга кесилген);

Дастан Сарыгулов 4 жылга эркинен ажыратылып, үч жылына шарттуу өтөө жазасы белгиленген (буга чейинки өкүм өзгөрүүсүз калды).

Эске салсак, 2016-жылы 17-апрелде Бишкек шаарынын Биринчи Май райондук соту чыгарган өкүмгө ылайык, Бектур Асанов менен Кубанычбек Кадыров "кылмышка даярдануу" жана "бийликти күчкө салып тартып алуу" беренелери боюнча күнөөлүү деп табылып, 12 жылдан эркинен ажыратылышкан. Жаза өтөө мөөнөтү 2016-жылдын 24-мартынан тарта эсептелет.

Эрнест Карыбеков "кылмышты жаап-жашыруу" жана "мамлекеттик чыккынчылык" беренелери боюнча күнөөлүү деп табылып, үй-мүлкүн конфискациялоо менен 20 жылга кесилген эле. Жаза өтөө мөөнөтү 2016-жылдын 26-мартынан тарта эсептелет.

Ал эми Дастан Сарыгулов Кылмыш-жаза кодексинин 339-берене (кылмышты жаап-жашыруу) боюнча күнөөлүү деп табылып, 4 жылга эркинен ажыратылган. Анын үч жылына шарттуу өтөө жазасы белгиленген.

7-февралда Бишкек шаардык соту райондук соттун чечимин күчүндө калтырган.

Абактагы саясатчылардын жаза өтөө мөөнөттөрү кыскартылды

Автор: Бактыяр Кыдыралиев

23:53 07-06-2018

Жазылуу

РУБРИКАДАГЫ СОҢКУ КАБАРЛАР

12:03 2025-06-18 | Кылмыштар, кырсыктар

Чүйдө төрөттөн кийин 36 жаштагы келин каза болду 8 0

11:53 2025-06-18 | Саясат

Депутат энергетикалык суусундуктарга тыюу салууну сунуштады (видео) 58 0

11:42 2025-06-18 | Түркүн дүйнө

Илон Маск баңгизат колдонбогонун тастыктаган тесттин жыйынтыгын жарыялады 154 0

11:34 2025-06-18 | Саясат

Президент: "Эгер депутаттар митингчилерди ээрчигенде Борбор Азияда абал башка нукка түшмөк" (видео) 222 0

11:33 2025-06-18 | Түркүн дүйнө

Трамптын Байденге "окшошуп бара жатканы" айтылууда 332 0

11:20 2025-06-18 | Коом жана турмуш

ӨКМдин куткаруучусу Эл аралык мелдеште 4-орунду алды 82 0

Архив

Комментарийлер (5)

nur_92

2018-06-07 16:35:42

Эмнеге кыскартылды акча бердиби соторго

-5

aydinnur

2018-06-07 16:36:28

Туура чечим, мамлекет тынчтыгы маанилүү.. Берки карганда калжаңдаган чалды (аксакал дегенге татыксыз) эмне кылышты экен,үй камагында эле калды го дейм.. Баары бир жашына карап боор ооруп кетет..

-5

Ermekbai

2018-06-07 17:05:26

Жакшы болуптур. Актап жиберседа болот эле. Мамлекетти басып алган адам жүрөт. Басып алабыз деп уюштурду деп жалган маалымат менен камап жиберген 10-жыл 20 жылга. Жакшырак аракет кылып басып алганда президент болот эле

-3

Azatbek.Svoboda.

2018-06-07 17:49:20

кадыржан батыров менее бирге болгондорбу? бектур асанов деген ошол батыровдун жанында жүргөн беле? Эгер ошондой болсо өлүм жазасына тартылсын!

+10

besha

2018-06-08 09:22:27

Бектур Асанов Батыровдун жамбашында жургон видеолор коп коргом жеке мен. Июнь окуясына да тиешеси бар демек. Буларга окшогондорго, биздин олкодо омур бою эркинен ажыратылса!!!

Комментарий калтыруу үчүн өз ысымыңыз менен кириңиз же каттоодон өтүңүз.