Кара-Буурада катуу шамал мектептин чатырын талкалап кетти

Кара-Буурада болгон катуу шамал мектептин чатырын талкалап кетти. Бул тууралуу ӨКМнын маалымат кызматынан кабарлашты. Маалым болгондой, 8-июнь күнү саат 10-11 чамаларында Талас облусунун Кара-Буура районунда ылдамдыгы секундасына болжол менен 15-20 метрге жеткен катуу шамал катталды. Катуу шамал аталган райондун Көк-Сай айылындагы А.Токтокожоев атындагы орто мектептин чатырын учуруп кеткен. Учурда райондогу Жарандык коргонуу комиссиясы жеринен тактоо иштерин жүргүзүп жатат. Өзгөчө кырдаалдар министрлиги райондогу абал боюнча кошумча маалымат тарата турганын билдирди.

Автор: Жамалидин Парманкулов