**Жогорку Кеңештин депутаты Нурланбек Кадыкеев каза болду (өмүр баяны)**

Жогорку Кеңештин "Кыргызстан" фракциясынан депутат Нурланбек Кадыкеев (мурдагы фамилиясы Макеев) каза болду. Бул тууралуу SUPER.KG порталына аталган фракциянын лидери Алмазбек Баатырбеков билдирди.

Анын айтымында, Кадыкеевге жакында Түркияда операция жасалган.

Кадыкеев Нурланбек Кадыкеевич 1970-жылдын 21-январында Нарын облусуна караштуу Кочкор районунун Кочкор кыштагында туулган.

Жогорку билимдүү. 1990-жылы Бишкек финансы-экономикалык техникумун, 1999-жылы Кыргыз мамлекеттик улуттук университетин "юриспруденция" адистиги боюнча, 2007-жылы Кыргыз Республикасынын өкмөтүнө караштуу Кыргыз мамлекеттик юридикалык академиясын "финансы жана кредит" адистиги боюнча бүтүргөн.

Эмгек жолун 1988-жылы Нарын облусунун Кочкор районундагы “Кочкорка” ишканасында автослесарь болуп иштөө менен баштаган.

1997-2000-жылдары - Бажы иштери боюнча "Туркуаз" ишканасынын башкы директорунун орун басары;

2000-2001-жылдары - "Дамла-Транс-ЛТД" ишканасында башкы директор;

2001-2002-жылдары - Кыргыз Республикасынын Финансы министрлигине караштуу Финансылык полиция башкармалыгынын өздүк коопсуздук бөлүмүндө кызматкер;

2002-2003-жылдары - Чүй жана Талас облустары боюнча Региондор аралык финансы полициясы башкармалыгынын бажылык укук бузуулар, кыянаттык кылуу жана коррупция менен күрөшүү бөлүмүнүн улук кызматкер;

2003-2004-жылдары - Чүй жана Талас облустары боюнча Региондор аралык башкармалыгында 3-бөлүмдүн башчысы;

2004-жылдан Кыргыз Республикасынын Финансы министрлигине караштуу Кирешелер боюнча комитетинин Бишкек бажы ЖТКсынын башчысынын орун басары болуп дайындалган. Ошол жылдын сентябрынан 2005-жылга чейин Кыргыз Республикасынын Финансы министрлигине караштуу Кирешелер боюнча комитетинин Кара-Балта бажы ЖТКнын башчысынын орун басары болуп дайындалган.

2005-2010-жылдары “Манас” бажыканасынын башчысы.

2015-жылдын 4-октябрында “Кыргызстан” саясий партиясынын тизмеси боюнча Кыргыз Республикасынын Жогорку Кеңешинин VI чакырылыштагы депутаты болуп шайланган.

Артында эки баласы калды.

SUPER.KG порталынын эмгек жамааты Нурланбек Кадыкеевдин үй-бүлөсүнө жана жакындарына аза кайгысын тең бөлүшүп, терең кайгыруу менен көңүл айтат.

Автор: Бектур Токтоноев

23:58 13-06-2018

Жазылуу

РУБРИКАДАГЫ СОҢКУ КАБАРЛАР

11:43 2025-07-06 | Түркүн дүйнө

Өлүм менен аяктаган селфи 253 0

10:41 2025-07-06 | Кылмыштар, кырсыктар

Чет өлкөлөрдөн психотроптук дарыларды ташууга шектелген жаран кармалды 525 0

10:03 2025-07-06 | Түркүн дүйнө

Илон Маск "Американын партиясы" аттуу үчүнчү саясий партияны түзгөн жатат 528 0

09:15 2025-07-06 | Коом жана турмуш

Бүгүнкү күнгө карата чет элдик валюталардын курсу 454 0

09:14 2025-07-06 | Коом жана турмуш

Жайлоодо туристтерди чакырып, даамдуу тамактарды жасаган "чабан бала" менен маек 4516 0

18:13 2025-07-05 | Түркүн дүйнө

Трамп TikTok'ту сатып алуу келишими даяр экенин айтты 1401 0

Архив

Комментарийлер (12)

Alixan-Nookat.2015

2018-06-13 09:32:45

Жаткан жери жайлуу болсун!

+17

Dastanke2014

2018-06-13 10:23:15

туугандарына, балдарына сабыр

Zainidin96

2018-06-13 10:41:44

Жайы жаннатта болсун

Pchelka85

2018-06-13 10:43:03

Ииии.. иманы саламат болсун.. туугардарына кайрат тилейм. Калган омурун балдарына берсиг Кудайым...

Adi.Avazbekov

2018-06-13 13:45:20

Pchelka85,омуру калса озу жашайт эле. Калбаган учун каза болду да. Мындай айтканыныз туура эмес. Жайы жаннатта болсун.

-3

Pandora

2018-06-14 02:09:09

Adi.Avazbekov,Жашалбай калган омуру деген мааниде

Sabway

2018-06-13 12:08:29

Ыйманы саламат болсун. Жашоо бугун бар эртен жок... Дамла транста чогу иштеген элек.

Rasul94

2018-06-13 15:57:17

Оло тургандар олбой,бейкуноо депутат кетиптир жайын жаннаттан кылсын аллахым

fantomas

2018-06-13 18:53:01

Rasul94, бейкуноо экенин кайдан билдин?!! Бул депутатын башка депутаттардай эле элдин кызыкчылыгына каршы долбоорлорго добуш берип жургон... Керек болсо санап да берем...

ХХХХХХХ

-5

Zainidin96

2018-06-14 00:06:35

Fantomas, окунбойсун ичеер суун тугонгондо окуносун олгон адамды жамандаган куноо болот ойлонуп суйлосон

fantomas

2018-06-14 01:10:17

Zainidin96, элибизде ошондой соз бар го, бирок каза болгон маркумдардын баарын жакшы дей берсек кандай болот?!! Же ал жонундо айтпай койсок эмне озгорот?!!

Мисалы Гитлер олду, Гитлер кандай канкор экенин, анын айынан жуз миндеген аталарыбыз фронтто каза болгонун, дагы ошончосу кан кусуп майып болуп кайтканын билебиз. Ошондо Гитлер жакшы дейлиби?!! Же Гитлер тууралуу ооз ачпайлыбы, олуп калган киши тууралуу жаман соз айтпайлы деп?!!

fantomas

2018-06-14 01:15:25

Zainidin96, Эртен Атамбаев олуп калса, "жакшы киши болуучу, тыштан миллиарддаган карыз алып, мойнубузга жуктоп, андан башка толтура жерден миллиарддарды жеген акылдуу, эл сыйлаган киши болуучу" деп айталыбы анда?!!

Комментарий калтыруу үчүн өз ысымыңыз менен кириңиз же каттоодон өтүңүз.