Бишкекте ысык суу убагынан эрте берилиши күтүлүүдө

Бишкек шаарында үйлөргө ысык суу берүү 21-июнга чейин токтотулган. Эми ал убагынан эрте берилиши күтүлүүдө. Бул тууралуу "Бишкек жылуулук тармагынан" кабарлады.

Маалым болгондой, борбор калаадагы үйлөргө ысык суу берүү 21-майдан 21-июнга чейин токтотулган. Белгиленген убакыт ичинде жыл сайын аткарылып келген пландын алкагында кышка даярдык көрүү үчүн түтүктөр оңдоп-түзөөдөн өткөн.

Ал эми 12-июндан тартып түтүктөрдү суу менен толтуруу иштери башталган. 15-17-июнь күндөрү түтүктөрдү текшерүү иши орун алат. Эгер түтүктөрдө эч кандай кемчиликтер катталбаса, энергетиктер ысык сууну убагынан эрте берерин билдирген.

Автор: Бактыгүл Момбекова