Фуэртевентура аралына эс алууга барган британиялык турист аял алкоголдук ичимдикке ууланып каза болду. Мындай маалыматты чет элдик басылмалар жазып чыгышты.
Белгилүү болгондой, 37 жаштагы Паула Бишоп жолдошу Стюарт Бишоп менен Фуэртевентура аралына эс алууга барган. Эс алуунун биринчи күнүндө шарап жана сыраны ашыкча ичкендиктен каза болгон. Анын жансыз денесин өзү калган номерден тапкан.
Ал эми маркумдун жолдошу Стюарт Бишоптун айтымында, ал жубайы экөө коктейл жана башка ичимдиктердин даамын татып көрүүнү жакшы көрүшчү. Бирок Паула каза болор күнү анчалык деле көп ичимдик ичпегенин айткан. Бирок медициналык экспертиза каза болгон аялдын канынын курамындагы алкоголь нормадан 8 эсе көп болгонун аныктаган.