ЖЫЛНААМА, 15-ИЮНЬ: Жогорку Кеңештин мурдагы депутаты Ахматбек Келдибеков 52 жашка чыкты

Мындан 52 жыл мурун 1966-жылы 15-июнда Жогорку Кеңештин мурдагы депутаты Ахматбек Келдибеков Ош облусунун Алай районундагы Сопу-Коргон айылында жарык дүйнөгө келген.

1990-жылы Воронеж политехникалык институтунун автоматташтыруу жана машина курууну роботтоштуруу факультетин, 1999-жылы Кыргыз мамлекеттик улуттук университетин "финансы жана кредит" адистиги боюнча артыкчылык менен, Кыргыз Республикасынынын өкмөтүнө караштуу Кыргыз мамлекеттик юридикалык академиясын "юрист" адистиги боюнча бүтүргөн.

1984-1986-жылдары Советтик Армиянын Грузиянын Кутаиси шаарындагы аба-десанттык аскер бөлүгүндө кызмат өтөгөн.

Эмгек жолу:

1986-жылы Ош облусунун Алай районундагы "Правда" совхозунда жумушчулуктан баштаган.

1990-жылы - Кыргыз ССР Илимдер академиясынын "Импульс" илимий-изилдөө борборунда инженер, андан соң улук инженер;

1992-1993-жылдары – Илимдер академиясынын Машина таануу институтунун директорунун орун басары;

1993-2002-жылдары – Каржы министрлигинде башкы адис, бөлүмдүн башчысы, башкармалыктын башчысы;

2001-2002-жылдар аралыгында – Каржы министринин орун басары;

2002-2005-жылдары - Социалдык фонддун төрагасы;

2005-жылдын март айында Жогорку Кеңештин III чакырылыштагы депутаты;

2007-2008-жылдары - жеке ишкер;

2008-2009-жылдары - Салык жана жыйымдар боюнча мамлекеттик комитеттин төрагасы;

2009-2010-жылдары - Мамлекеттик салык кызматынын төрагасы;

2010-жылдын 17-декабрынан 2011-жылдын 11-декабрына чейин Жогорку Кеңештин төрагасы;

2010-2015-жылдары - Жогорку Кеңештин депутаты болгон.

2013-жылы Ахматбек Келдибековго "коррупция" жана "кызматтык абалынан кыянаттык менен пайдалануу" беренелери боюнча кылмыш иши козголгон. 2016-жылы Жогорку Соттун чечимине ылайык, ал "кызматтык абалынан кыянаттык менен пайдалануу" беренеси боюнча күнөөлүү деп табылып, мамлекеттин эсебине 10 миллион сом которууга милдеттендирилген.