Элчи Кылычбек Султан "кара тизме", экс-президент Атамбаев жана абактагы Текебаев тууралуу жазды

Кыргыз мамлекетинин Түштүк Кореядагы элчиси Кылычбек Султан экс-президент Алмазбек Атамбаев жана абактагы оппозиция лидери Өмүрбек Текебаев менен жолугушканы жана учурда саясий чөйрөдө кеп болуп жаткан "кара тизме" тууралуу социалдык тармактагы баракчасына билдирүү жазды. Элчи жогорудагы эки саясатчы менен көрүшүүнүн алдында "кара тизмеге" кирип каласың" деген эскертүүлөр болгонун билдирет.

Элчинин жазганына караганда, ал "кара тизмеге" кирип калышы мүмкүн" экендигине карабастан Атамбаевге да, Текебаевге да жолугуп, ал-жай сурашып чыккан.
"Эки кыргыздын башы бириксе, сөзсүз саясатты сүйлөшпөй койбойт эмеспи, элибиздин учур чагын, келечегин, ал эле эмес, тээ Малайзиядагы Махатхирди да сүйлөштүк. Алмазбек Шаршенович өлкөбүз Малайзиядагыдай парламенттик башкаруу жолуна бара жатканына ичи жылыганын билдирди. Өмүрбек Чиркешовичтен болсо азыр эле түптүз барып мамлекетти башкарып кете алчудай темирдей бекем эркти байкадым. Бирок ден соолугу анча эместей", – деп жазган Кылычбек Султан. Интернет тармагында жазган билдирүүсүн элчи "Баса, "кара тизме" тууралуу... Кореяда "кара тизме" түзгөнү үчүн быйыл кээ бир аткаминерлер алдылары бир нече жылга кесилип, арты олчойгон айып пул төлөөгө милдеттендирилишти" деген сөздөр менен аяктаган.

Маалымат үчүн: Түштүк Кореяда ушул жылдын башында мурдагы маданият министри эки жылга эркинен ажыратылган. Ошондой эле президенттик администрациянын мурдагы башчысы төрт жылга соттолгон. Алардын жогорудагыдай жазаларга туш болуусуна учурунда экс-президент Пак Кын Хени сындагандарды "кара тизмеге" киргизишкени негиз болгон. Ал тизмеге баш-аягы 10 миңдей адамдын, көбүнесе маданият тармагынын кызматкерлери киргизилгени белгилүү болгон.

Автор: Эльвира Караева

07:32 20-06-2018

Жазылуу

РУБРИКАДАГЫ СОҢКУ КАБАРЛАР

18:58 2025-07-06 | Коом жана турмуш

Блог: Петра – таштан жаралган тарых 2494 0

18:21 2025-07-06 | Коом жана турмуш

Блог: Мен көргөн Анталья: күн, деңиз, тарых жана сезимдер 2668 0

17:08 2025-07-06 | Коом жана турмуш

Блог: Siberian Wellness – табияттын күчүн илим менен бириктирген компания. Тоолуу Алтай менен Новосибирскке болгон сапар 2650 0

16:36 2025-07-06 | Түркүн дүйнө

Трамп өз убадасынан күмөн санайт 1877 0

15:40 2025-07-06 | Спорт

Бишкекте өткөн Азия чемпиондугунда кыргызстандык балбандар байгелүү орундарга ээ болушту 698 0

15:14 2025-07-06 | Коом жана турмуш

Жайлоодо туристтерди чакырып, даамдуу тамактарды жасаган "чабан бала" менен маек 5381 0

Архив

Комментарийлер (10)

DAKS

2018-06-19 15:43:24

Кореянын политикасы мн Кыргызстандыкын салыштырып эч болбойт!!!
Дуйнодо эч нерсесине карабай президентин соттогон олколордун эн алдында турат.

nemo2016

2018-06-19 15:49:58

Атамбаев Текебаев Жээнбеков булар жарабайт.Адахан Мадумаров Президент Садыр Жапаров пр министер болсо Кыргызстан бат эле онугуп кетет.

-1

007aym

2018-06-19 16:05:51

nemo2016, ээ каяктагыны айтпачы. Кыргызды каратып туруп Каркыраны сатып ийген Адахандын колунан жакшылык келбейт. Омуру коро албастык менен келе жатат. Садыр Жапаров болсо Кумторго куйумуш болуп атып Жыргалан комур кенин менчиктештирип алган. Аны озунун колдук эли колдобой журот

Sultanmatievkg

2018-06-19 16:12:54

007aym,ХХХХХХХ АшА президентин бирнерсени кыйратып койгондой ХХХХХХ

admin_superstan

2018-06-19 16:16:43

Sultanmatievkg, билдирүүңүз түзөтүлдү, жеке айтышуулар үчүн купуя кат бар! Порталдын эрежелерин сактаңыз!

007aym

2018-06-20 10:39:26

Sultanmatievkg,АШАн менен ишим жок. АШАНдын кашасы чыгып калды го. Мен азыркы президенттин ишмердїїлїгїн колдойм

nuri1

2018-06-19 16:28:18

АШАны калп эле жамандоо, каралоо журуп жатат. Убагында баары АШАга туз мамиледе эле болуп журушкон. АША азаматсын коп иш жасадын.

-19

00AbibhanovMunarbek0045

2018-06-19 16:40:29

Бири малайзияны бири кареяны бири америка

jbolotov

2018-06-19 17:49:09

Кылычбек Султанов мырза Кореяда биздегидей тааныш тунуштук менен элчилике кызматка турууда болбосо керек э?

tina-Tin

2018-06-19 19:25:24

jbolotov,++++

Комментарий калтыруу үчүн өз ысымыңыз менен кириңиз же каттоодон өтүңүз.