Оор кылмышка шектелип эл аралык издөөдө жүргөн тажик жараны Кыргыз паспорту менен кармалды

Эл аралык издөөдө жүргөн чет элдик жаранга кыргыз паспорту мыйзамсыз берилгендиги аныкталды. Бул тууралуу Ички иштер министрлигинин басма сөз кызматы маалымдады.

Маалыматка ылайык, министрликтин криминалдык милиция бөлүмү оор кылмышка шектелип издөөдө жүргөн жаранга паспорт Мамлекеттик каттоо кызматы тарабынан берилгенин аныктаган.

"2014-жылы Мамлекеттик каттоо кызматынын Сузак райондук бөлүмүнүн кызматкерлери ага эски үлгүдөгү паспорт берген. Кийин ал жаран 2017-жылы Ысык-Көл облусунун Балыкчы шаарынан жаңы үлгүдөгү паспорт алган. Криминалдык милиция кызматынын жүргүзгөн иликтөө иштеринин жыйынтыгында бул паспортту 1967-жылы туулган Тажикстан Республикасынын жараны Низомхон Жураев колдонуп жүргөнү белгилүү болгон. Ал өз мекенинде жүргөндө оор кылмыш жасаган деп эл аралык издөөдө жүргөн.

2017-жылдын аягында Жураев Украинадан Кыргыз паспорту менен кармалган", - деп жазылат маалыматта.

Анда белгиленгендей, ИИМдин тергөө кызматы факты боюнча Кылмыш-жаза кодексинин “Документтерди, мамлекеттик сыйлыктарды, штамптарды, мөөрлөрдү, бланктарды колго жасоо, даярдоо, сатуу же алардын жасалмаларын пайдалануу” беренесинин негизинде кылмыш ишин козгоду.

Башкы прокуратура паспортту мыйзамсыз берген кызматкерлерге карата “Кызмат абалынан кыянаттык менен пайдалануу", “Кызматтык жасалмалоо”, “Кыргыз жаранынын паспортун мыйзамсыз берүү, ошого тете документке Кыргыз Республикасынын жарандыгын мыйзамсыз алууга алып келген атайын жалган маалыматтарды киргизүү” беренелеринин негизинде иш козгогон. Чет элдик жаранга паспортту мыйзамсыз бергенге шектүү катары ушул жылдын 18-июнунда Сузак районунун мамлекеттик каттоо кызматынын А.А. аттуу жараны кармалып, Бишкек ШИИБинин убактылуу кармоочу жайына киргизилген. Учурда тергөө иштери жүрүп жатат.

Автор: Бекболот Сарыбаев

16:03 20-06-2018

Жазылуу

РУБРИКАДАГЫ СОҢКУ КАБАРЛАР

18:58 2025-07-06 | Коом жана турмуш

Блог: Петра – таштан жаралган тарых 2494 0

18:21 2025-07-06 | Коом жана турмуш

Блог: Мен көргөн Анталья: күн, деңиз, тарых жана сезимдер 2668 0

17:08 2025-07-06 | Коом жана турмуш

Блог: Siberian Wellness – табияттын күчүн илим менен бириктирген компания. Тоолуу Алтай менен Новосибирскке болгон сапар 2650 0

16:36 2025-07-06 | Түркүн дүйнө

Трамп өз убадасынан күмөн санайт 1877 0

15:40 2025-07-06 | Спорт

Бишкекте өткөн Азия чемпиондугунда кыргызстандык балбандар байгелүү орундарга ээ болушту 698 0

15:14 2025-07-06 | Коом жана турмуш

Жайлоодо туристтерди чакырып, даамдуу тамактарды жасаган "чабан бала" менен маек 5381 0

Архив

Комментарийлер (12)

RusMos76

2018-06-20 16:16:25

Коррупция республиканы кыдырып кетиптир го туштуктон тундуко чейин!

medet1983

2018-06-20 16:17:24

Дагы бергиле тажик кытай озбектерге, чет мамлекеттерде кыргыз паспорт менен журсон кумон санап карай турган болушту.Соз жок акча десе атасын сатат булар.

aidinaernur

2018-06-20 16:20:01

Бергендерди жазаласын
Акчаны алып жасап койду

aidinaernur

2018-06-20 16:21:51

Биз байкуш 6 айдан бери куболук ала элекпиз
Кыргыздын жараны болсок деле

Muratmipa

2018-06-20 16:43:44

aidinaernur,анда документтерди тапшырбай ала албай жатсанар керек мен 1 саат дегенде эле алдым куболукту

aidinaernur

2018-06-20 18:30:07

Muratmipa,
Биз чет элдебиз
Элчилике документ , тыйындарын торолгондо эле почта аркылуу жибергем
Бишкектен келе элек дейт сурасам

Jelezo

2018-06-20 17:02:14

Араң бирөөнү кармаптыр кыргыз паспорт менен жүргөн тажик,өзбек, кытай толтура паспорт столдо иштегендерди чекеден сурагы жок эле камаса болот бардыгы хан сарай салып кымбат машина алып чет өлкөдө эс алып жүрүшөт кантип 5000 айлыка иштегендер ошондой байлык таап жатышат

tnz

2018-06-20 17:14:33

Атамбаевдин тушунда эч бир коррупцияга аралашпаган мекеме калбадыго кай жерди караба бут эле коррупция жакшы Россияга барып иштеп оздорун эптеп журушот болбосо бул курутмак.

nemo2016

2018-06-20 17:15:46

ХХХХХХХ карупционерлерди ким тыйят тажадым качан онолот Кыргызстантан ХХХХХХХХХ

bekmirzach

2018-06-20 17:38:00

Мамлекеттик каттоо кызматы эле эмесбашка тармактардагы тартипсиздик Атамбаевдин тушунда өтө күч алып өзүм билемдик ашынып кеткен. Атамбаев мамлекет башчысы катары ушундай көйгөйлүү маселелерге көңүл буруунун оордуна мамлекеттин акчасын өздүк кылып алуу жолдорун издөө менен алек болуптур. Анын кесепетин бүгүн тартып жатабыз.

madina.87

2018-06-20 19:40:27

Азерлерден бирөө кызыгып жаткан экен,Кыргызстандын паспортун алганга.бир көк мээ жердешибиз сүйлөшүп берем 50 миң менен алса болот экен дейт айылдан.Ушундай акмактардын айынан паспортубуздун да баркы кетти аттиң

patiydin

2018-06-20 21:10:17

Качан токтойт ушундай иштер. Былыктарын чыгаргылачы. Канчасы журот биздин паспорт менен. Ушул иштерди кылган инсандар минимум 10 жыл срок десенер бергендеринда чогултуп келет.

Комментарий калтыруу үчүн өз ысымыңыз менен кириңиз же каттоодон өтүңүз.