Сокулукта үйүндө баңгизат даярдалчу өсүмдүк өстүргөн жаран кармалды

Сокулук районунда үйүндө баңгизат даярдалчу өсүмдүктү өстүргөн жаран кармалды. Бул тууралуу Чүй ОИИБинин басма сөз кызматынан кабарлашты.

Маалыматка караганда, тыюу салынган өсүмдүктү өстүргөн жаран ушул жылдын 19-июнунда кармалган.

"Сокулук райондук ички иштер бөлүмүнүн кызматкерлери ыкчам маалыматтын негизинде иликтөө иш-чарасын жүргүзүшүп, Сокулук районунун Романовка айылынын 55 жаштагы тургуну Г.К.нын үйүнүн короосунда өстүрүлгөн 208 түп баңгизат даярдалчу өсүмдүктү аныкташкан. Табылган өсүмдүктөр экспертизага жөнөтүлгөн. Учурда аталган факт боюнча тергөө амалдары жүргүзүлүүдө", - деп жазылат билдирүүдө.

Автор: Сталбек Абдижалил уулу
Фото: Чүй ОИИББ