Атамбаевдин портрети: КСДП жана сүрөтчү чыр боюнча өз версияларын айтышууда

КСДП жана сүрөтчү Азамат Жаналиев экс-президент Алмазбек Атамбаевдин мык жана жиптен жасалган портретинин айланасындагы чыр боюнча өз версияларын айтышууда.

КСДПныкы:

"Башында сүрөтчү портретти КСДПнын кеңсесине белек катары таштап кеткен. Бир нече жумадан кийин үй-бүлөлүк маселелерин айтып, "белегин" сатып алууну аябай суранган. Ошентип Икрамжан Илмиянов менен жолугушуп, Азамат Жаналиев 2,5 миң долларга абдан сүйүнүп, кошумча төлөм боюнча маселени көтөргөн эмес. Мунун күбөлөрү да бар.

Сүрөтчүнүн жалган айтканы аны кылмыш жоопкерчилигине тартууга негиз болушу мүмкүн. Эч кандай жазуу же кат түрүндө макулдашуулар болгон эмес. Азамат Жаналиев 2,5 миң долларды кайтарсын, портрет дароо авторуна берилет. Ага кошумча дагы бир экинчи окшош портрет берилет. Бул акчага "белекти" да сүрөтчү зордоп берген", - дейт партиянын өкүлү Кундуз Жолдубаева.

Сүрөтчүнүкү:

"Алмазбек Атамбаевдин эки сүрөтү бар болчу. Биринчисин, эскисин былтыр бергем, алар ыраазычылыгын айткан, ал сүрөткө эч кандай доом жок. Экинчиси - бул коллекциялык сүрөт эле. Аны Икрамжан Илмияновго башында берсем албай койгон, анан Дубайдан ханзаада Хамдан тарабынан мага чакыруу келгенде Илмиянов мени дароо чакырып, Атамбаевдин сүрөтүн арзан баага алып, шейх менен жолуккандан кийин берем деген.

Икрамжан Илмиянов менен кат түрүндө макулдашуулар жок. Бирок Дубайдагы сүрөттөрдү Илмиянов өз максатында колдонгону тууралуу фактылар бар. Негизинен шейх Хамдан мени чакырган. Менин ордума Икрамжан Илмиянов кирип өз долбоорун иштеткен.

КСДПнын өкүлү Кундуз Жолдубаева калп айтып жатат. Мен Икрамжан Илмиянов менен жолугушканда ал катышкан эмес, күбөлөр да болгон эмес.

УКМК адилеттүү, туура чечим чыгарат деген максатта арызымды бул органга бердим", - деди Жаналиев.

Айта кетсек, сүрөтчү Азамат Жаналиев Икрамжан Илмияновдун үстүнөн УКМКга арыз жазган. Ал 2017-жылы Илмиянов андан Атамбаевдин портретин 10 миң долларга сатып алып, 2 миң 500 долларды аванс катары берип, калганын бербей койгонун айткан.

Автор: Нургазы Аматов

07:30 22-06-2018

Жазылуу

РУБРИКАДАГЫ СОҢКУ КАБАРЛАР

23:49 2025-07-07 | Кылмыштар, кырсыктар

Бишкекте автобусту карама-каршы тилкеде катуу айдаган айдоочу аныкталды (видео) 90 0

23:28 2025-07-07 | Түркүн дүйнө

Орусиянын Транспорт министрлигинин дагы бир кызматкери каза болду 381 0

23:03 2025-07-07 | Саясат

Орунтаев дархандыктарды эмне деп сүйүнттү? (видео) 376 0

22:35 2025-07-07 | Кылмыштар, кырсыктар

Ысык-Көлдө жасалма номур менен унаа башкарып жүргөн айдоочу аныкталды (видео) 298 0

22:05 2025-07-07 | Түркүн дүйнө

Ирандын президенти Израил аны өлтүрүүгө аракет кылганын айтты 695 0

21:30 2025-07-07 | Коом жана турмуш

Бишкек–Ош унаа жолунун селден улам жабылган аймагы унаа каттамдары үчүн ачылды (видео) 624 0

Архив

Комментарийлер (11)

Nurik1988

2018-06-21 16:13:34

2-жарым мин долларды эзептешпей уурдаган миллион долларларды ордуна койуп койгула Кундуз

Tokmokchu-1

2018-06-21 16:15:30

Биринчиден бул суротчу кыпкызыл калпычы окшойт...

Каяктагы бир шейх чакырса 5-10 тыйын иштей калайын деп Илмиянов кошо учтубу Дубайга?!!

Экинчиден онор ээлери онорун жалпы элге тартуулайт... Анан мансаптуу, бай бироолордун суротун тартып, анан белекке берип ордуна акча кутуу, акча бербесе ар проблемасын айтып бечара корунуу- бул кайырчылык,тилемчиликтин эле бир туру...

+13

zhaku2017

2018-06-21 16:19:09

Эптеп эле Атамбаевди жамандаш учун, бойроктон шыйрак чыгарышып, ушак таратышып жатышат. Аман эле болушсун. Эми ушул сурот кплыптырбы. Эл жинди эмес. АШАны интернет аркылуу жамандап койсо эле, туура деп ээрчип журо бергендей. Кырдаалга туура баа берищ керек

-2

Alinur96kg

2018-06-21 16:31:07

Бул суротчу туну менен желек кармап турган бала беле? Же адашып атамбы?

Tokmokchu-1

2018-06-21 16:37:07

Alinur96kg, озун пиарлаганды оло жакшы коргон, ХХХХХХХХХ
Башкалар эмне десе ошол десин, бул жигит мен учун ХХХХХХХХ
Негизи муктаждык болбой туруп, тХХХХХХХ

bekmirzach

2018-06-21 16:52:21

Акыркы 6 жылда кызарган жердин баарына көз артып, эбегейсиз байлык топтогон Илмияновдун Максим Бакиевден ашып түшкөнү күн өткөн сайын ачыкка чыгууда. Андыктан өнөр адамдарынын чөнтөгүнө чейин “колун салган” мындай ачкөздөр жоопко тартылышы керек. УКМК келген арызды көз жаздымда калтырбасын.

-3

tnz

2018-06-21 17:12:22

Бул суротчунун да озунун мээнети барда эмнеге бундай кылышат туура эместа бул баланын акысынын тен жарымын жебейле койбойбу ХХХХХХХ Атамбаевтер.

-8

aza84

2018-06-21 19:10:40

Бул суротчу сорой аман эле болсун чеченстандын президентине дагы барып анын суротун жазап аны белеке берип кур кайтып келди эле бул акчага эле кызыкан ХХХХХХ окшойт

portugalia

2018-06-21 20:12:30

Сүрөтчү кыйын го кимдин сүрөтүн тартышты да билет экен.

talas0707

2018-06-21 20:55:45

Саясий куугунтук бул. Эптеп бирдеме таап камаш керек болуп жатат. Укмк ушундай иштерди текшереби. Прократура, укмк, сот мурунку эле тартибинде иштеп жатат. Бийлик не айтса ошону аткарып. Укмк деген олконун коопсуздугун камсыздоо менен алектенет го дейм мен ойюмча. Же бироонун уйу жоголсо таап беруу менен алектенип калды беле. Мына сага биз ишенген бийлик.

-4

tnz

2018-06-22 10:06:53

Кылмышкерлерди чекеден камаш керек башты оорутуп тияктан бияктан суйлото бербей ошондо туура болот.

Комментарий калтыруу үчүн өз ысымыңыз менен кириңиз же каттоодон өтүңүз.