Шашылыш билдирүү! Бүгүн өлкө аймагында нөшөрлүү жаан жаап, айрым аймактарда сел жүрүшү күтүлөт

Өлкөдөгү туруксуз аба ырайына байланыштуу бүгүн, 26-июнда нөшөрлүү жаан-чачын жаап, айрым аймактарда сел жүрүшү күтүлөт. Мындай маалыматты ӨКМнын басма сөз кызматы билдирди.

"26-июнда күтүлүп жаткан нөшөрлүү жаан-чачынга байланыштуу республиканын сел коркунучу бар райондорунда сел жүрүшү мүмкүн. Ошол себептен жергиликтүү калктын жана мекемелердин, ишканалардын, уюмдардын (менчигинин түрүнө карабастан) күч-каражаттарын тартуу менен арыктарды, суу өткөрүү түтүктөрүн жана дренаждык түйүндөрдү тазалоо иш-чараларын жүргүзүү зарыл", - деп жазылат маалыматта.

Мындай туруксуз аба ырайы автоунаа, энергетика жана коммуналдык кызматтардын ишин үзгүлтүккө учуратат. Ошондой эле жайлоолордо малды кармоону кыйындатат.

Автор: Бактыгүл Момбекова