Жалал-Абад облусунда күйдүргү жуктуруп алды деген шек менен 9 адам ооруканага жаткырылды

Жалал-Абад облусунда күйдүргү жарасын жуктуруп алган деген шек менен 9 адам ооруканага жаткырылды. Бул тууралуу облустук саламаттыкты сактоо бөлүмүнөн билдиришти.

Маалыматка ылайык, ооруканага жеткирилгендердин үчөө аял, алтоо эркек киши.

"Алар бул илдетти тамакка кошулган эттен жугузушу мүмкүн. Учурда лабораториялык изидөөлөрдүн жыйынтыгы чыга элек. Дарыгерлер күйдүргү менен ооруган малдын этин жеши мүмкүн болгон тургундарды текшерүүгө алууда", - деп билдирди министрликтин облустагы координатору Маматжан Миянов.

Ооруканага жаткан бейтаптардын абалы жакшы экенин жана алар тийиштүү жардам алып жатканын Миянов кошумчалады.

Автор: Айзада Тураркулова