Өкмөт бизнести текшерүүгө 3 жылдык тыюу салды

"Өкмөт ишкерлик жүргүзүүгө шарттарды түзүү иштерин күчтөндүрүүсү зарыл", - деп премьер-министр Мухаммедкалый Абылгазиев 28-июнда өкмөткө караштуу Бизнес жана инвестицияларды өнүктүрүү боюнча кеңешинин жыйынында айтты. Анда өлкөдөгү ишкерликтин абалы, көйгөйлөрү талкууланды.

Экономика министри Олег Панкратовдун айтымында, ишкерлик субъектилерин текшерүүгө 3 жылдык мораторий киргизилди. Буга текшерүүгө карата нааразычылыктардын көптүгү себеп болду.

"Иш-чаралардын планы үч жылдык келечекке багытталган. Анын багыттарынын бири – лицензиялык-уруксат тутумун жакшыртуу болуп саналат. Башкы жаңылык ишкерлердин тиешелүү лицензияларды интернет аркылуу алуусу болот. Мындан тышкары менчик уюмдардын алган лицензияларынын мыйзамдуулугун текшерүү боюнча укуктарыбызды мыйзамдаштырабыз", - деди Панкратов.

Премьер-министр өкмөт мүчөлөрүнө жыйында ишкерлер тарабынан айтылган бардык сунуштарды карап чыгууга, иш-аракеттерди баштоого тапшырма берди.

"Өкмөт бизнес жүргүзүүгө шарттарды түзүү иштерин күчтөндүрүүсү зарыл. Бизнес жана инвестицияларды өнүктүрүү боюнча кеңешинин жыйындарынын жүрүшүндө буга чейин берилген тапшырмаларды аткаруу бир нече жылдан бери кагаз бетинде калып келет. Демек, мамлекеттик органдардын жетекчилери өз милдеттерин аткарууга тиешелүү жоопкерчилик менен киришпейт. Мындай тактика мындан ары колдонулбайт", - деп айтты Абылгазиев.

Автор: Бектур Токтоноев

12:43 29-06-2018

Жазылуу

РУБРИКАДАГЫ СОҢКУ КАБАРЛАР

21:47 2025-07-03 | Коом жана турмуш

89 жыл мурун МАИ кызматкерлери кандай унаалар менен кызмат өтөгөн? (видео) 144 0

21:07 2025-07-03 | Түркүн дүйнө

Пашинянга импичмент жарыялоонун демилгечиси Армения парламентинде жаңжал жаратты (видео) 395 0

19:27 2025-07-03 | Бизнес-Инфо

BakAi & Шоро белектер менен жайкы акцияны баштайт! 180 0

19:16 2025-07-03 | Коом жана турмуш

Ош шаарынын кире беришиндеги дарбаза түркүн түстүү чырактар менен кооздолду (видео) 949 0

18:43 2025-07-03 | Кылмыштар, кырсыктар

Бишкекте 60ка жакын жай текшерилип, 30га жакын кыз милицияга жеткирилди (видео) 768 0

18:08 2025-07-03 | Коом жана турмуш

Садыр Жапаров иш сапары менен Азербайжанга барды 703 0

Архив

Комментарийлер (6)

Atas

2018-06-29 13:22:40

Каша болуп кетет да 3 жылда 1 жыл болсо жакшы болот

-3

asman.81

2018-06-29 13:59:13

Ошондо деле баягы аткаминерлердин,депутаттардын,чондордун бизнеси гулдойт экен да.Карапайым калк зорго тирилик кылып атканда кайсыл бизнес.Кыскасы оздорунун бизнеси учун ушуну ойлоп чыгышыптыр да!

Bekturbek

2018-06-29 14:11:33

Эгер ушул закон иштесе жакшы болот!!!Россиядан акчаларды алып,Кыргызстанга барып Бизнес баштайт окшойбуз.

-1

Bazake

2018-06-29 19:36:32

Азыркы окмотту колдош керек. Таза иштеймин деп аракет кылап жатат. Президентибиз да таза киши. Ушуну Кудай Кут кылсын

Mularamov

2018-06-29 19:51:04

ошондо чет елден келген инвесторлордунда бизнеси текшерилбей калабы
9т алтындын ордуна 9т кумуш же болбосо ушул сыяктуу нерсени жазып олкодон салыксыз алып чыгып кетип калса олег жооб береби.
же болбосо жон эле жумушунан кетип согуш алып койобу

Qwerty2018

2018-06-29 21:47:00

Ишкерлерге жакшы шарт. Озбекстанда ишкерлерди жакшы колдойт бизнес пландарына че берет мамлекет.

Комментарий калтыруу үчүн өз ысымыңыз менен кириңиз же каттоодон өтүңүз.