Баткенде куткаруучулар сууга чөккөн адамдын өмүрүн сактап калышты

Баткенде куткаруучулар сууга чөккөн адамдын өмүрүн сактап калышты. Бул тууралуу ӨКМнын басма сөз кызматы билдирди.

Маалыматка ылайык, кечээ, 28-июнь күнү саат 14:22лер чамасында Баткен шаарындагы Батырканов атындагы каналга адам түшүп, агып кеткендиги тууралуу маалымат ШИИБге түшкөн.

"Бул чакырууга ӨКМнын №3 өзүнчө мобилдик тоо-кен куткаруу взводунун куткаруучулары барышкан. Ыкчам иш-аракеттердин натыйжасында 1993-жылы туулган Маматашым уулу Илгиз аттуу жаранды каналдан чыгарып, биринчи медициналык жардам көрсөтүп, туугандарына өткөрүп беришкен", - дейт маалымат кызматы.

Азыркы тапта жабырлануучунун абалы канааттандырарлык.

Автор: Айзада Тураркулова