"Мискенбаевге кылмыш иши козголгон деп айта албайбыз, четке да какпайбыз". Финполдун 2 күндөн кийинки жообу

Экс-депутат Мээрбек Мискенбаевге кылмыш иши козголгону же козголбогону боюнча расмий маалымат жок. Бул тууралуу SUPER.KG'ге Экономикалык кылмыштарга каршы күрөшүү боюнча мамлекеттик кызматынын басма сөз кызматынан кабарлашты.

"Айкөл Ала-Тоо" жана "Апрель баатырлары" коомдук бирикмелеринин жетекчилерине карата Кылмыш-жаза кодексинин "алдамчылык" беренеси боюнча кылмыш иши козголду деген маалымат чыкканына бир апта болгонуна карабай аталган мекеме расмий маалымат тарката элек. Биздин сурообузга эки күндөн кийин гана төмөнкү жооп менен чектелишти.

"Биз бул маалыматты четке да какпайбыз жана кылмыш иши козголгон деп да айта албайбыз", - деп билдирди басма сөз кызматынан.

Айт кетсек, кечээ, 2-июлда Мискенбаевдин жактоочусу Бактыбек Жумашев: "Учурда Мээрбек Мискенбаевге айыбы угузула элек жана кылмыш иши козголгон токтом өзүнө да, мага да тааныштырыла элек. Мен Экономикалык кылмыштарга каршы күрөшүү кызматынын тергөөчүсү менен сүйлөштүм, ал бул иш боюнча эч кимге эч кандай маалымат бербегенин айтты", - деген эле.

Буга чейин 29-июнда Экономикалык кылмыштарга каршы күрөшүү кызматы "Айкөл Ала-Тоо" жана "Апрель баатырлары" коомдук бирикмелеринин жетекчилерине карата Кылмыш-жаза кодексинин "алдамчылык" беренеси боюнча кылмыш ишин козгогонун "Азаттык" өздүк булактарына таянып жазып чыккан.

Мискенбаев бул иш өзүнө карата саясий куугунтук экенин билдирип, "Асылбек Жээнбеков депутаттык мандатын тапшырсын" деген сөздү айтканымдан кийин башталды" деп айткан.

жаңыланды 07:34 04-07-2018
кошулду 22:11 03-07-2018

Автор: Бекболсун Молдояр уулу

Жазылуу

РУБРИКАДАГЫ СОҢКУ КАБАРЛАР

21:57 2024-04-19 | Саясат

Садыр Жапаровдун Казакстанга болгон эки күндүк расмий сапары аяктады 481 0

21:24 2024-04-19 | Спорт

Эрназар Акматалиев Париждеги Олимпиадага жолдомо утуп алды 965 0

20:19 2024-04-19 | Саясат

Садыр Жапаров Астанадагы улуттук космос борборуна барды (сүрөттөр) 757 0

19:37 2024-04-19 | Супер-Инфо

Жолдошбек Жанжигит уулу, актёр: «Жубайым тыйып турбаса элирип кетем» 777 0

19:36 2024-04-19 | Коом жана турмуш

Ысык-Көлдө 350 орундуу медициналык мекеменин имаратынын курулушу башталды 593 0

19:11 2024-04-19 | Спорт

Балбан Бекзат Алмаз уулу Олимпиадага жолдомо утту 1084 0

Архив

Комментарийлер (3)

pat12

2018-07-03 17:13:50

Ушинтип бетке ачык айткандын баарын камап отура бергиле. Иш козгоп, соттоп, элге жаман атуу кылып коргозуп. Чыныгы корруп-р журушот го эркин басышып Ак уйдо, кок уйдо.

-6

haydarkan

2018-07-03 18:20:42

Мискенбаевлин саясатта эч кандай кадыр баркы жок адам. Мелочь иштер менен эле аралашып АША нын убагында креслого отура койгонда эми жакын жолотпойт да. кайра камаш керек. Оозуна киргенди добдуроп суйлоп койгон адатыбыз эле болбосо менин Мискенбайдын АШАНЫН балп этмебиз бар

MARINA78

2018-07-03 20:33:25

Кылмыш иши козголду же козголбоду?Тушунуксуз.Атамбаев коркутуп шантаж кылып жатат окшойт.

Комментарий калтыруу үчүн өз ысымыңыз менен кириңиз же каттоодон өтүңүз.