Орусияда жумуш берүүчүлөр 35 Кыргыз жаранын мажбурлап иштетип жатышкандыгы белгилүү болду

Орусиянын Москва облусунда иш берүүчүлөр Кыргыз жарандарын мыйзамсыз кармап, мажбурлап иштетип келишкен. Бул тууралуу Кыргыз өлкөсүнүн Орусиядагы элчилигинин басма сөз кызматынан кабарлашты.

Маалыматка караганда, 2-июль күнү Элчиликтин консулдук бөлүмүнө Кыргыз жараны Бактыбек Койчубаев арыз менен кайрылып, жумуш берүүчүлөр 30-40ка жакын Кыргыз жаранын алдап паспортторун алып, аларды мажбурлап иштетип жатканын айткан.

“Келип түшкөн маалыматтын негизинде элчиликтин кызматкерлери менен миграция боюнча кызматы иликтөө жүргүзүшкөн. Алар арызда көрсөтүлгөн Москва облусундагы Большевик кыштагына барып, кармалган кыргыздардын абалы менен жакындан таанышышкан.

Текшерүүнүн жүрүшүндө мыйзамсыз кармалган 35 жаран “Экоклининг” аттуу компаниянын каттоосунда турушканы аныкталган. Ошондой эле жумушчулардын жанында документтери жок экендиги жана санитардык талапка жооп бербеген шартта жашап келишкендиги белгилүү болгон. Сүйлөшүүнүн жүрүшүндө мыйзамсыз кармалып турган жарандардын баары Бермет аттуу айым аркылуу Орусияга келишкенин айтышкан. Берметтин номерин алар Бишкектеги "Ош базарындагы" радио түйүндөн жана телевизордогу жүгүртмө тексттик жарнамадан алышканын айтышкан. Мындан сырткары алар Бермет аттуу айым такыр башка жумуш шартты жана айлык акыларды убада кылганын айтышкан.

Компаниянын жетекчилиги менен сүйлөшүүлөр жүргүзүлгөн соң бир саатка жетпей жумушчуларга паспорттору кайтарылып берилген. Ошондой эле ишкананын жетекчилиги 2 сутка ичинде жумушчулардын мурда иштеген эмгектери үчүн маяналары толугу менен төлөнөрүн айткан”, - деп жазылат маалыматта.

Автор: Сталбек Абдижалил уулу

07:33 06-07-2018

Жазылуу

РУБРИКАДАГЫ СОҢКУ КАБАРЛАР

00:02 2025-07-09 | Саясат

Тажикстандын борборунда кыргыз ыр-күүлөрү жаңырды 234 0

23:31 2025-07-08 | Түркүн дүйнө

Дональд Трамп Орусияны коркутууга алды 1028 0

23:19 2025-07-08 | Саясат

Душанбеде кыргыз-тажик өндүрүмдөр көргөзмөсү болду. Ага эки өлкөнүн лидерлери барды 328 0

22:50 2025-07-08 | Түркүн дүйнө

Ярославль шаарында бороон бак-дарактарды кыйратып, жолдор жабылды (видео) 362 0

22:08 2025-07-08 | Коом жана турмуш

Түштүк Кореяда 123 кабаттуу эң бийик имаратта эл аралык компания менен иштешип жаткан Диана менен маек 716 0

21:43 2025-07-08 | Коом жана турмуш

Жашоо, сүйүү, каада-салт... Диана аттуу орус кызынын жүрөгүн багындырып алган баткендик мырза (маек) 1291 0

Архив

Комментарийлер (15)

Kyrgyz_bloger

2018-07-05 18:26:30

Баягы эле кыргыздын душманы кыргыз да

+22

Tansuluu09

2018-07-05 18:31:39

Берметти турмого тыккыла!!!!

+23

Jasa

2018-07-05 18:41:24

Азыр деген мурункуга салыштырмалуу бир аз интернет онуккон,адамдардардын кругозору да мурдагыдай эмес деп ойлочумун корсо азыр деле кул катары иштегендер бар экен да

+13

Jaziko80

2018-07-05 20:58:30

Jasa, толтура андайлар. Байкуштарга боорум ооруйт.

Sizge.kat

2018-07-05 18:42:28

Ушундайлардын айынан канчалаган уй булоо кыйналышууда убалы уктатпасын жанагыларды

+10

Nanei

2018-07-05 18:52:49

Ушу Адам саткандарды неге жазалашпайт??? Канча фактылар айтылып,жазылып келе жатат гезит бетине,кумга суу синип кетендей эле жок болот

+11

bond02

2018-07-05 20:49:34

Берметти ошо 35 эркекке 10кунго кошуп бергиле.

+21

s81

2018-07-05 21:35:36

35 эркек тытатда бир саата эле

aibars

2018-07-05 22:09:23

Мындан кийин: ошол жумуш таап берген ( Ош базарындагы билдируу калтырган ) ортомчулардын так маалыматын тийиштуу Юридикалык Мекемелерге каттатып, дарегин паспорт кочурмосун, уй дарегин тактатып кою эн зарыл нерсе. Ушинтип алдап кете турган болсо кармаганга эн женил жана иш таап берип жатканда жоопкерчиликти сезе биле алат. Болбосо бир Батмакан дагы 50 кишинин убалына калат жана дагы бир Зууракан 100 кишини сызга олтургузуп кетет.

+10

Pandora

2018-07-05 22:14:30

Не ужели Москвадагы кыргыз консулу алдангандардан кабар алып алардын оюн укту? ))) Кыргызды кыргыз сатат,кыргызды кыргыз чукуйт.

Aijamal9487

2018-07-05 23:34:52

Бермет кантип оз мекендешинди кордойсун ХХХХХХХ!!!Алар да бала чака багайын деп иштеп журот..

Ibrahim1122

2018-07-06 00:46:18

Сүрөттө тургандар ошолорбу алдангандар супер инфо?

-1

Snikers18

2018-07-06 10:02:41

Ibrahim1122, Жок,алдангандар алар эмес. Сен сураган сүрөттүн төмөнкү оң жагында "ИЛЛЮСТРАЦИЯ" деп жазылып турбайбы.

madina.87

2018-07-06 12:19:08

Ошол Берметти дагы бир Россияга келгиси келген адам катары сүйлөшүп ,журналисттер колго түшүрсөңөр болот. Ушунча адамдын алардын артында акча иштеп келет деп күткөн ар биринин үй бүлөсүнүн убалы уктатпасын БЕРМЕТТИ.
Анын чыныгы аты башка болсо керек!!!

bazar

2018-07-06 12:35:26

Берметти "меметиш " керек экен ...

Комментарий калтыруу үчүн өз ысымыңыз менен кириңиз же каттоодон өтүңүз.