Бекназаров: "2010-жылы 7-апрелде Форумга куралдар, бош патрондор атайын ташталган"

2010-жылы 7-апрелде атайын штаб түзүлгөн. Бул тууралуу бүгүн, 10-июлда маалымат жыйынында Азимбек Бекназаров билдирди.

"2010-жылы 7-апрелде атайын штаб түзүлгөн. Форумга куралдарды, бош патрондорду таштагыла, элдер аны көтөрүп алып Ак Үйгө келсин деген схеманы ошол штаб иштеп чыккан. Бул штабдын башында Данияр Үсөнов турган, ал штабга бүт күч органдары буга мүчө болушкан, губернатор, акимдер баш ийишкен, маселенин бардыгы ошол жерде чечилген. Кылмыш иши штабдын үстүнөн козголгон. Тергөө жашыруун жүрөт, карапайым эл көп нерсени билбейт.

Молдомуса Конгантиевдин күнөөлүү же күнөөсүз экени сот аркылуу гана чечилиши керек. Бардыгы мыйзам жолу менен чечилбесе коомчулук буга ишенбейт. Коомчулукта “бул иштин артында саясат бар экен, Жээнбеков өзү турат экен" деген ишенбөөчүлүк, күмөн саноо пайда болот”, - деди Бекназаров.

Автор: Бекболсун Молдояр уулу
Фото: Бекболсун Молдояр уулу