Камакта жаткан саясатчылар мунапыска илингендердин санын көбөйтүү керектигин айтышууда

Жогорку Кеңештин депутаты Руслан Казакбаев, Кыйноолордун алдын алуу боюнча улуттук борбордун директору Нурдин Сулайманов абакта жаткан саясатчылар менен жолугуп келишти. Бул тууралуу SUPER.KG'ге Нурдин Сулайманов билдирди.

Сулаймановдун айтымында, Руслан Казакбаев менен өтүп бара жаткан айдын башында абакта жаткан бир топ саясатчыларга жолугуп, абалы менен таанышып кайтышкан.

"Мурдараак УКМКнын кармоочу жайында жаткан саясатчыларга кирип, абалы менен таанышып чыкканбыз. Кийин Руслан Казакбаевдин демилгеси менен башка абакта жаткан саясатчылар менен жолугуп келдик. 27-түзөтүү колониясында жаткан "Элдик парламенттин" мүчөлөрү Марат Султанов, Бекболот Талгарбеков, Төрөбай Колубаев, Дүйшөнкул Чотонов, Бектур Асанов, Петровка айылында жайгашкан 8-колониядагы Эрнест Карыбеков, "Мегакомдун" жетекчисинин мурдагы кеңешчиси Алмаз Абеков, башкы директору Азамат Мурзалиевдерге жолуктук.

Абактагылар саламаттыгы тууралуу маселе айтышкан жок, депутат Казакбаевге кайрылып, өздөрүнө тагылган айып туура эмес, жасалма экенин билдиришти. Ошондой эле мунапыс маселеси тууралуу да айтышып, мунапыска илингендер аз болуп калгандыгын, санын көбөйтүү керектиги жөнүндө маселелерди көтөрүштү", - деди Сулайманов.

Эске салсак, 22-июнда Нурдин Сулайманов жана депутаттар Руслан Казакбаев, Кенжебек Бокоев, Урматбек Самаевдер УКМКнын абагында отурган Сапар Исаков, Жантөрө Сатыбалдиев, Осмонбек Артыкбаевдин абалы менен таанышып чыгышкан.

Автор: Бекболсун Молдояр уулу

17:43 15-07-2018

Жазылуу

РУБРИКАДАГЫ СОҢКУ КАБАРЛАР

11:44 2025-07-08 | Саясат

Садыр Жапаровдун Эмомали Рахмон менен расмий жолугушуу аземи өттү 109 0

11:43 2025-07-08 | Кылмыштар, кырсыктар

Бишкекте пара берүүгө шектүү блогер кармалды 185 0

11:36 2025-07-08 | Кылмыштар, кырсыктар

Сокулукта аскер адамы катышкан мушташ орун алды 162 0

11:28 2025-07-08 | Кылмыштар, кырсыктар

Сүрөткө түшүп жатып каза болгон туристтин акыркы секунддары видеого түшүп калган 393 0

11:14 2025-07-08 | Саясат

Садыр Жапаров Душанбеде Исмоил Сомонинин эстелигине гүлчамбар койду 232 0

11:05 2025-07-08 | Коом жана турмуш

Ала-Арчада нидерланддык туристке жардам көрсөтүлдү (видео) 189 0

Архив

Комментарийлер (5)

Azatbek.Svoboda.

2018-07-16 02:14:25

С.Жапаров.Ө.Текебаев аларга эмне барышпаптырбы??????!

Mustafo

2018-07-16 08:37:15

Өздөрүнө мунапыс сураган жокпу теги жегиштер.

Shahrizaada

2018-07-16 12:15:26

Элдин акчасын жеп,турмодо жатып мунапыс сурагандан коро кулча жашаган артык!
Буларга окшогондордун дагы даалайы ак уйду арам буттары мн тебелеп журушот.Ушул акмактардын айынан кыргыздар не кундорду гана корбоду талаалап!

Jelezo

2018-07-16 12:57:33

Мискенбаев коркпой деле койсо болот сот залынан эле чыгып кетет.Бирок Тынардан этият бол алайган көзү менен атам деп жүрөт экен.

Aitik

2018-07-16 15:40:21

Мегакомду тоноп жыргаган Абековго мурзалиевге мунапыс жок.
Коррупцияга малынгандарга мунапыс жок.

Комментарий калтыруу үчүн өз ысымыңыз менен кириңиз же каттоодон өтүңүз.