Amazon'дун негиздөөчүсү тарыхтагы эң бай адам аталды

Amazon'дун негиздөөчүсү тарыхтагы эң бай адам аталды. Бул тууралуу чет элдик маалымат каражаттары жазууда.

Маалыматка ылайык, Жефф Безос Билл Гейтстин 1999-жылы койгон рекордунан ашып тарыхтагы эң бай адам аталды. 1999-жылы Билл Гейтстин байлыгы 100 миллиардга жеткен. Ал эми Жефф Безостун байлыгынын өлчөмү 2018-жылы 52 миллиард долларга өсүп, 16-июлда 150 миллиард долларды түзгөн.

Amazon'дун башчысы "Forbes" журналы рейтингдерди жарыялай баштагандан бери, тактап айтканда, 1982-жылдан берки тарыхтагы эң бай адам катары катталды.

Amazon - интернет аркылуу ар кандай товарларды жана кызмат көрсөтүүлөрдү саткан дүйнөдөгү эң ири компания. Компаниянын башкы кеңсеси Вашингтон штатынын Сиэтл шаарында жайгашкан.

Автор: Айзада Тураркулова