
Орусиялык "ТАСС" мамлекеттик маалымат агенттигинин кызматкерине Кыргыз жараны сексуалдык мүнөздөгү ыплас иш-аракеттерди жасоого аракет кылган. Бул тууралуу Орус маалымат агенттиктери жазып чыкты.
Маалыматка караганда, окуя Москва убактысы менен 16-июль күнү кечки саат 22:30 чамасында болгон. Анда кызга карата белгисиз жаран сексуалдык мүнөздөгү ыплас иштерди жасоого аракет кылган. Ал кыйкырып, жардам сурап баштаганда белгисиз жаран качып кеткен. Жабыркаган кыз окуя тууралуу полиция кызматкерлерине берген көрсөтмөсүндө ага кол салган белгисиз жаранды төмөнкүдөй деп сүрөттөп берген:
Азиат улутунда, жашы 30-35 чамалуу, бою 165-170 сантиметр, кең далылуу, чачы кара түстө, үстүнө ачык көк түстөгү футболка жана жынсы шым кийип жүргөн.
"Ыкчам иликтөө иштеринин натыйжасында шектүү катары Д.А. аттуу Кыргыз жараны кармалган. Сурак учурунда ал эч жерде иштебегендигин айткан. Учурда анын окуяга катыштыгы бар же жок экендиги териштирилүүдө", - деп жазылат маалыматта.