Кылмышкерге берилген паспорт. Каттоо кызматы орусиялык кримтөбөлгө Кыргыз паспорту кантип берилип кеткенин түшүндүрдү

Ушул жылдын январь айында Орусиянын укук коргоо органдары тарабынан издөөдө жүргөн Борис Матузный аттуу Орус жараны Испаниядан колго түшүрүлүп, жанынан Кыргыз жаранына таандык паспорт табылган. Ички иштер министрлигинин маалымат кызматынан кабарлашкандай, ага паспорт 2016-2017-жылдары жасалма ат менен Сузак районунун калкты каттоо жана паспорттоштуруу бөлүмүнөн берилгени аныкталган.

Мамлекеттик каттоо кызматы ИИМдин тараткан маалыматына жооп кайтарды. Аталган мекеменин басма сөз катчысы Мелис Эржигитовдун SUPER.KG'ге 20-июлда билдиришинче, Борис Матузныйга Кыргыз паспорту алгач ИИМ тарабынан берилген.

"1994-жылкы үлгүдөгү паспорт бар. Ошол паспортту тез арада жасап алууга эң оңой болгон. Орусиялык жаран башка эле Кыргыз жаранынын паспортунун маалыматтарынын негизинде 2003-жылы ИИМден паспорт алган. Себеби паспорт даярдоо Мамлекеттик каттоо кызматына 2012-жылы гана өткөрүлүп берилсе, ага чейин ИИМ тарабынан берилчү. Орусиялык жаран ошол эски үлгүдөгү паспорттун негизинде Сузак районундагы кызматкерлер менен сүйлөшүп, 2016-жылы жаңы паспорт алган. Күнөө эки тарапта тең бар. Эски паспорт болбосо, биздикилер жаңысын бермек эмес. Биз кызматтык иликтөө жүргүздүк. Ал жерде биздин кызматкердин да күнөөсү анык болуп жатат. Анткени кызматкер паспорт жасалма аттын негизинде берилип жатканын алдын ала билип туруп, жасап берип койгон. Ал дагы жазага тартылышы керек.

Азыр андайга жол жок. Мурда түрмөдө жаткан кылмышкер болосуңбу, качып жүргөн кылмышкер болосуңбу паспортту өзүң барбай туруп эле телефон чалып же башка адамдар аркылуу алып алсаң болот эле. Себеби маалыматтар кол жазма аркылуу толтурулчу. Ошондуктан 1994-жылкы үлгүдөгү паспорт өлкөнүн беделине залакасын тийгизди. Азыр паспорт алуу үчүн калкты каттоо жана паспорттоштуруу бөлүмдөрүнө өзүң келбесең, паспорт ала албайсың", - деди Эржигитов.

ИИМ паспорт берүү боюнча алынган материалдардын негизинде аталган факт боюнча кылмыш ишин козгогон. Кылмыш ишинин алкагында Сузак районунун калкты каттоо жана паспорттоштуруу (паспорт менен камсыздоо) бөлүмүнүн мурдагы башчысы И.Б. жана Сузак районунун жарандын абалдык актыларын каттоо (ЗАГС) бөлүмүнүн кызматкери Ж.А. кармалып, Бишкек ШИИББинин убактылуу кармоочу жайына киргизилген.

Учурда ИИМдин тергөө бөлүмү иликтөө иштерин жүргүзүүдө.

Автор: Жамалидин Парманкулов

20:10 20-07-2018

Жазылуу

РУБРИКАДАГЫ СОҢКУ КАБАРЛАР

19:43 2025-07-08 | Саясат

Якутияда XXII Манчаары оюндары башталды 73 0

19:24 2025-07-08 | Түркүн дүйнө

Трамптын Казакстанга жеткен катына жооп берилди. Эмне кеп? 444 0

18:59 2025-07-08 | Коом жана турмуш

Түп районундагы бир нече айылдарда сел жүрдү (видео) 259 0

18:40 2025-07-08 | Кылмыштар, кырсыктар

Балыкчыда бут кийимдин боосу менен таксистти муунтуп өлтүргөн эки жигит кармалды 897 0

18:22 2025-07-08 | Бизнес-Инфо

Жеке ишкерлик үчүн эсеп — 5 мүнөттө онлайн. Банкка барбастан, Bakai Business тиркемеси аркылуу 115 0

17:57 2025-07-08 | Кылмыштар, кырсыктар

Бишкекте KICB банкынын имаратынан чыккан өрт өчүрүлдү 310 0

Архив

Комментарийлер (6)

madina.87

2018-07-20 20:20:19

Уяты жоктор,кытайлар өздөру келип эле алып жатышат го!!!
Көбүрөөк акчага сатып жатасыңар да бетме бет сүйлөшүп.
Жакшы жагыбыз менен таанылбай эле,жалаң ууру кескилер менен таанышып кала турган болду дүйнө эли бизди.

+15

bond02

2018-07-20 20:22:28

Куноолулор Албектин жанынан орун алсын.

+14

Дарыгер

2018-07-20 22:45:58

Кайдагыны суйлойт го. Озбектер тажиктер ID карта которуп журушот го. Ал 94 жылкы УлГУ эмес ко

bibi87

2018-07-21 00:01:44

Озу ишенет бекен берген жообуна?

Rifle_I

2018-07-22 18:32:13

Кытайлар оптом пачкалап алып жатышат го паспортторду ?

Maxatbek

2018-07-23 14:08:04

Өзбекстан, Тажикстан өлкөлөрүнүн жарандары Москвада метродон эле кыргыз паспорт, вод. права акчага жасатып жатышат ко

Комментарий калтыруу үчүн өз ысымыңыз менен кириңиз же каттоодон өтүңүз.