Бакытбек Дүйшембиев Бишкек шаарынын мэринин милдетин аткаруучу болуп дайындалды

Бакытбек Дүйшембиев Бишкек шаарынын мэринин милдетин аткаруучу болуп дайындалды. Бул тууралуу өкмөттүн басма сөз кызматы билдирди.

Маалыматка караганда, буйрукка премьер-министр Мухаммедкалый Абылгазиев кол койду.

Бакытбек Дүйшембиев 1972-жылы 12-февралда Ысык-Көл облусунун Жети-Өгүз районунда туулган.

Эске салсак, 13-июлда Бишкек шаардык кеңешинин депутаттары Ибраимовго ишеним көрсөтпөө чечимин кабыл алып, токтомду премьер-министрге жөнөтүшкөн. Премьер-министр тийиштүү токтомго кол койгон.

Бишкектин мурунку мэри Албек Ибраимовго "Дастан" ишканасын жетектеп турган учурда болгон сатып алуулар боюнча кылмыш иши козголгон. 19-июлда Албек Ибраимов Улуттук коопсуздук боюнча мамлекеттик комитети тарабынын кармалып, Биринчи Май райондук соту тергөө аяктаганга, тагыраагы, 29-августка чейин камакта калтырган.

Автор: Бекболсун Молдояр уулу