Интернет аркылуу чагымчыл маалымат тараткандарга чара көрүлөт. Бул тууралуу бүгүн, 27-июлда Улуттук коопсуздук мамлекеттик комитетинин басма сөз кызматынан кабарлашты.
Маалыматка караганда, аймактык жана улуттук бөлүнүүгө чакырган билдирүү жайылткан адамдар Кылмыш жана Жаза кодексинин "улуттук, расалык же диний кастыкты козутуу" беренеси боюнча кылмыш жоопкерчилигине тартылат.
УКМК жана башка укук коргоо органдары чагымчыл маалымат тараткандар боюнча тийиштүү иштерди жүргүзүп жатышат.
Аталган мекемелер кандайдыр бир бөлүнүүгө алып келе турган маалыматтар тарап жаткан болсо, өлкө жарандарын тийиштүү органдарга кабарлап коюуга чакырат.