Ырчы Гүлзада Рыскулованын “Толгонуу” аттуу ырлар жыйнагынын бет ачары болду

Ыр жыйнактын бет ачарына келген коноктор. Алдыңкы катарда ЖКнын депутаты Өмүрбек Текебаев, социалдык өнүктүрүү министри Кудайберген Базарбаев жана башкалар

Гүлзаданын ар бир аткарган ырын Ордо-Сахна фольклордук-этнографиялык ансамбли коштоп турду

Ырчы бардык чыгармаларын жандуу үн менен аткарып, көрүүчүлөрдүн купулуна толду

"Толгонуу" ыр жыйнагынын бет ачары жогорку деңгээлде өткөнүн ага катышкандар айтышты

Гүлзада кезектеги чыгармасын образдуу аткарып жаткан учуру

Катышуучулар жандуу үн менен аткарылган ар бир ырга кол чаап отурушту

Ырчынын талантын баалаган депутат Өмүрбек Текебаев "Толгонуу" ырлар жыйнагын сатып алды

Депутат Өмүрбек Текебаев ырчы Гүлзаданын кол тамга алды

Ырчы меймандарына өзүнүн сүрөтү түшүрүлгөн плакаттарга кол тамга коюп берип жатты

27-июнда Бишкектеги мейманканалардын биринде ырчы Гүлзада Рыскулованын “Толгонуу” аттуу ырлар жыйнагынын бет ачары болду. Иш-чарага ЖКнын депутаты Өмүрбек Текебаев, социалдык өнүктүрүү министри Кудайберген Базарбаев жана башка мамлекеттик кызматкерлер, шоу бизнес өкүлдөрү катышты. Гүлзаданын талантын баалап келген чет өлкөлүк жарандар да отурушту залда. Ырчы айым Ордо-Сахна фольклордук-этнографиялык ансамблинин коштоосунда аталган жыйнакта камтылган чыгармаларын жандуу үн менен аткарып, коноктордун тынымсыз кол чабуусуна арзып жатты. Иш-чаранын соңунда “Толгонуу” ырлар жыйнагынын диски сатылып, аткаруучу конокторуна өзүнүн сүрөтү түшүрүлгөн плакаттарга кол тамгасын коюп берди. "Толгонуу" жыйнагына ырчынын жандуу үн менен аткарган 11 чыгармасы кирди.

Автор: Ширин Турдакунова
Фото: Нуркыз Курманбек кызы