Бүгүн, 2-август күнү саат 15:14тө Жалал-Абад облусунун аймагында жер титирөө катталды. Сейсмология институтунан кабарлашкандай, анын күчү очогунда 3 баллга жеткен.
Маалым болгондой, жер титирөө Кара-Көл шаарында, Токтогул районунун Көк-Бел айылында 3, Базар-Коргон районунун Арстанбап жана Косо-Терек айылдарында 2,5 балл болгон.
Өзгөчө кырдаалдар министрлиги алдын ала маалыматтарга таянып, жер титирөөдөн жабыркагандар жана кыйроолор катталбаганын билдирди.