Сооронбай Жээнбеков "Мекендештер" форумун уюштуруп келгени үчүн экс-президент Роза Отунбаевага ыраазычылык билдирди (фоторепортаж)

Президент Сооронбай Жээнбеков бүгүн, 8-августта Ысык-Көл облусунун Чолпон-Ата шаарында өткөн "Мекендештер" форумуна катышты. Бул тууралуу президенттик аппараттын маалыматтык саясат бөлүмүнөн кабарлашты.

Иш-чара Ч.Айтматов атындагы "Рух-Ордо" маданий борборунда болуп өттү.

Өлкө башчы иш-чарага дүйнөнүн 20дан ашуун өлкөсүнөн келген мекендештерге ыраазычылык билдирип, алдыда бирге жасай турган пландар тууралуу айтып берди.

"Бул жерде дүйнөнүн жыйырмадан ашуун өлкөсүнөн келген мекендештерибиз олтурасыздар. Сиздер менен максатыбыз чогуу, кыялыбыз бир. Ошол максатты көздөгөн иш-аракеттерибиз бир ыргакта, бир багытта болушу үчүн, мезгил-мезгили менен баарлашып, акылдашып турушубуз зарыл", - деп белгиледи Сооронбай Жээнбеков.

Ал ушул ишти аткарып, көп жылдан бери мекендештердин байланышын камсыз кылып, жолугушуусун уюштуруп, баарын бириктирип жүргөн экс-президент Роза Отунбаевага ыраазычылык билдирди.

"Мекендештер" форумунун идеяларын жана максаттарын колдойм. Форум реалдуу ишкерлик долбоорлорду, өлкөнүн социалдык-экономикалык өнүгүшүн жана инвестициялык келечегин талкуулоо үчүн түзүлгөн. Бара-бара кеңири мүмкүнчүлүктөргө жол ачкан платформа-аянт болуп баратат. Кайсы жерде жүрсөк дагы адамдык абийир менен улуттук ар-намысты ыйык тутуп, мекенчилдик позициябызды бекем карманышыбыз парз", - деп белгиледи президент.

Ал мекендештерге мамлекет тарабынан ар дайым колдоо көрсөтүлөрүн кошумчалады.

Айта кетсек, "Роза Отунбаеванын демилге фонду" уюштуруп келген "Мекендештер" форумуна ар кайсы мамлекетте жашап, иштеп жаткан кыргыз жарандары чогулат. Иш-чара 2012-жылы жана 2014-жылы Бишкекте, 2016-жылы Ош шаарында өткөн.

Автор: Бектур Токтоноев

16:18 08-08-2018

Жазылуу

РУБРИКАДАГЫ СОҢКУ КАБАРЛАР

00:02 2025-07-09 | Саясат

Тажикстандын борборунда кыргыз ыр-күүлөрү жаңырды 336 0

23:31 2025-07-08 | Түркүн дүйнө

Дональд Трамп Орусияны коркутууга алды 1273 0

23:19 2025-07-08 | Саясат

Душанбеде кыргыз-тажик өндүрүмдөр көргөзмөсү болду. Ага эки өлкөнүн лидерлери барды 399 0

22:50 2025-07-08 | Түркүн дүйнө

Ярославль шаарында бороон бак-дарактарды кыйратып, жолдор жабылды (видео) 418 0

22:08 2025-07-08 | Коом жана турмуш

Түштүк Кореяда 123 кабаттуу эң бийик имаратта эл аралык компания менен иштешип жаткан Диана менен маек 822 0

21:43 2025-07-08 | Коом жана турмуш

Жашоо, сүйүү, каада-салт... Диана аттуу орус кызынын жүрөгүн багындырып алган баткендик мырза (маек) 1439 0

Архив

Комментарийлер (4)

Jelezo

2018-08-08 17:31:00

Абдан жакшы жөрөлгө,мурдагы президенттер өзүнө чейин иштегендерди жамандап жүрүп убакытты текке кетиришти ошондуктан С.Шарипович келечеке көздөй жакшы идеяларды ишке ашыруу үчүн аракет жасаңыз болбосо убакыт учкан куш.

Chagylgan1

2018-08-08 17:59:11

Бекерчилердин жоругу...

Отунбаева кандай эл башкарып, ХХХ ХХХ туштуктун эли унута элек...

Эми бир фонд ачып озун рекламалап журот, ал форумдун аты эле болбосо, элге пайдасы тийгенин мен уга элекмин...

30 жылдан бери инвестиция деп какшайсынар, ар бир инвестициянын алдынан коррупция чыгат. Кумтордон улгу алып баары...

Айтор, саны бар сапаты жок жолугушуулар менен озун элге пиарлоо Соке менен Отунбаеванын

toktor89

2018-08-08 22:17:38

Chagylgan1, билип билбей калжындай бербе даже эмне киши олтуртконун билгидей кудайсынбы? Же ошол ашан ачтыбы болгонуна шугур кыл.
Бироонун абийрин ачпа эгер ачсан сенин абийринди Аллах акыретте ачып коет так что билип билбей ХХХ жур сага сабак

-1

admin_media

2018-08-09 11:39:20

Chagylgan1,далилсиз билдирүү калтырууга тыюу салынган!Билдирүү түзөтүлдү!

-1

Комментарий калтыруу үчүн өз ысымыңыз менен кириңиз же каттоодон өтүңүз.