Ички иштер министринин орун басары Курсан Асанов кызын турмушка узатты. Бул тууралуу Курсан Асановдун улуу кызы Нуриза Асанова социалдык тармактагы баракчасына жазып чыкты.
Маалыматтарга ылайык, Асанов 22 жаштагы Диана аттуу экинчи кызын турмушка узаткан. Үйлөнүү тою Бишкек шаарындагы ресторандардын биринде ырчы, бийчилердин коштоосунда 8-августта болуп өткөн. Тойдо тамадалык кызматты алып баруучу Нурзат Токтосунова жана шоумен Нурсултан Майназаров аткарышкан.
Белгилүү болгондой, Курсан Асановдун 3 кыз, 1 уулу бар.