Эки айдан ашык убакыттан бери дайынсыз болуп жаткан 15 жаштагы Диана Турдубаева аттуу кыз табылды. Бул тууралуу SUPER.KG'ге 15-августта Биринчи Май РИИБинин кылмыш издөө бөлүмүнөн кабарлашты. Маалым болгондой, өспүрүм кыз 14-август күнү Ош шаарында жүргөн жеринен табылды.
"Изделип жаткан кыз Ош шаарынан табылды, абалы жакшы. Ал жөн гана Ош шаарын көрүү үчүн сейилдеп барган экен", - деп билдиришти райондук милициядан.
Диана Турдубаева 8-июнь күнү саат 12:00дөр чамасында Бишкектин четиндеги Жеңиш конушундагы үйүнөн дүкөнгө чыгып кеткен бойдон дайынсыз болуп изделип жаткан.