Кытайлык жарандын Сокулуктагы кафель чыгарган заводунан 20дан ашык адам жумуштан кетип калды

Сүрөт 27-июлда тартылган

Сокулук районундагы кафель чыгарган заводдо иштеген 20дан ашык адам жумуштан кетип калды. Бул тууралуу SUPER.KG'ге 15-августта аталган заводдо иштеген Бактыбек аттуу (белгилүү себептерден аты өзгөртүлүп берилди) жаран кабарлады. Анын айтымында, завод төлөп берген акы жумуш шартына туура келбейт.

"Келишим боюнча 8 саат иштеп, 12 миң сомдон 18 миң сомго чейин айлык алуу каралган. Бирок биз 12 саат иштеп жатабыз. 27-июлда заводго ээлик кылган кытайлык ишкердин жумушчуну сабагандыгына байланыштуу митингге чыкканыбызда эмгек келишимди өзгөртүү талабын койгонбуз. Бирок ал талап аткарылган жок. Ошондуктан 20дан ашык кызматкер жумуштан кетип калды", - деп билдирди Бактыбек.

Аталган заводдун администрациясы айтылган маалыматты тастыктап: "Ооба, 20дан ашык кызматкер жумуштан кетип калды. Бирок себебин айта албайбыз", - деп билдиришти.

27-июль күнү аталган заводдун алдына 100дөй жаран митингге чыгып, кытайлык ишкерден кылган аракети үчүн кечирим суроосун талап кылышкан. Өзүн Жакшылык деп тааныштырган жарандын айтымында, завод ээси 27-июлга караган түнү 3-4 Кытай жараны менен мас абалда келип тамак-аштарды чачып, Султан Мукашев аттуу жумушчуну себепсиз сабап, телефонун талкалап салган.

Облустук милициянын маалымат кызматынын ыкчам-тергөө тобу окуя болгон жерге барып, тийиштүү материалдарды чогултуп, арыз ээлери менен ишкерди суракка алганын кабарлаган.

Кыргыз жаранын мас абалында уруп салды делген кытайлык ишкерден окуя тууралуу комментарий алуу мүмкүн боло элек.

Автор: Жамалидин Парманкулов

13:18 15-08-2018

Жазылуу

РУБРИКАДАГЫ СОҢКУ КАБАРЛАР

17:48 2025-07-03 | Түркүн дүйнө

Армения Шанхай кызматташтык уюмуна мүчө болуу ниетин билдирди 78 0

17:37 2025-07-03 | Коом жана турмуш

Кыргызстанда ажырашкандардын саны өсүүдө 169 0

17:36 2025-07-03 | Коом жана турмуш

Ошто негизги көчөнүн бири Алымбек датка деп өзгөрдү 201 0

17:19 2025-07-03 | Түркүн дүйнө

Швеция Украинага 157 миллион долларлык аскердик жардам берет 167 0

16:56 2025-07-03 | Түркүн дүйнө

Парижде өзбекстандык миллионер уурдалды 686 0

16:50 2025-07-03 | Коом жана турмуш

Ысык-Көлдө сууга чөгүп бараткан өспүрүмдү куткарган милиция кызматкери сыйланды 278 0

Архив

Комментарийлер (5)

arena2014

2018-08-15 13:31:26

Оз жерибизде озголордон сабалып жатсак башка жерлерди айтпай эле койолу кайран кыргызым(((

+11

munduz2016

2018-08-15 14:47:49

ИВСке камаш керек болчу да кытайларды.Кыргызды кыргыз ичип урса касап эле салат го

BekAmir

2018-08-15 15:29:46

Ушунун баарына Кыргыздар озубуз куноолубуз. $корсотсо баарын сатканга даярбыз.кеч боло электе ойлонолу биздин душман Кытай

Aima94

2018-08-15 20:16:51

Өпкөсүн үзүп сал ары! Өлдү го өз мекенинде кордолсон!!!. Москвада иштеп мени эч ким мынчалык жеткирбейт

Aima94

2018-08-15 20:18:20

Бөтөн улуттар келип биздин мамлекетте, өз үйүндө кордосо, милиция кызматкерлери карап койбосо кимге ишенесин??? Өзбектер бүтүп, эми кытай эле жетпей калды

Комментарий калтыруу үчүн өз ысымыңыз менен кириңиз же каттоодон өтүңүз.