Маданиятка эмгек сиңирген ишмер, белгилүү алып баруучу Салтанат Саматованын сөөгү жерге берилди (фото)

Бүгүн, 16-августта белгилүү алып баруучу, ди-джей, Маданиятка эмгек сиңирген ишмер, телевидениенин отличниги Салтанат Саматованын сөөгү жерге берилди.

Маркум менен коштошуу зыйнаты Бишкек шаарында өтүп, Салтанат Саматованын сөөгү "Ала-Арча" көрүстөнүнө коюлду.

Акыркы сапарга узатуу зыйнатына вице-премьер-министр Алтынай Өмүрбекова, Жогорку Кеңештин депутаты Дастан Бекешев, маданият ишмерлери, эстрада ырчылары жана маркумдун жакын туугандары, кесиптештери катышты.

Белгилүү болгондой, кечээ, 15-августта алып баруучу, тамада, ди-джей Салтанат Саматова 46 жашында узакка созулган оорудан каза болгон. Бул тууралуу анын атасы Орозбек Түгөлбаев маалымдаган.

Салтанат Саматова 1972-жылы 1-мартта Бишкек шаарында төрөлгөн. Ал Мукаш Абдраев атындагы музыкалык мектепти аяктап, Ишеналы Арабаев атындагы КМУнун музыкалык факультетин бүтүргөн.1996-жылдан тарта "Европа плюс" радиосунда иштеген. Андан кийин телеалпаруучулук кызматты аркалаган. Кийинчерээк ар кандай коомдук иш-чараларды, 2012-жылдан тарта “Акыл Ордо” теледолбоорун алып барып, 20 жылдан ашуун убакыт медиа тармагында иштеген. Кыргыз журналистикасына кошкон салымы үчүн 2016-жылы маданиятка эмгек сиңирген ишкер наамы менен сыйланган.

Салтанат Саматова 2011-жылы рак илдетине кабылган.

Анын артында жолдошу жана бир уул, бир кызы калды.

Белгилүү теле алып баруучу Салтанат Саматованын сөөгү Ала-Арча көрүстөнүнөн жай алды

Автор: Нурсултан Нурболот уулу
Фото: Нурсултан Нурболот уулу

12:12 16-08-2018

Жазылуу

РУБРИКАДАГЫ СОҢКУ КАБАРЛАР

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 223 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 921 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 483 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 533 0

16:40 2025-05-01 | Коом жана турмуш

Абитуриентке ЭКИ сөз: Кайсы кесиптерге суроо-талап жогору болууда? 1741 0

16:07 2025-05-01 | Маданият, шоу-бизнес

Ырчы Ильяз Андаш уулдуу болду (видео) 529 0

Архив

Комментарийлер (9)

Meni_unut

2018-08-16 12:19:03

Ыйлап алдым.Ыйманы салават болсун...

pat12

2018-08-16 12:24:20

Кылган эмгектерине туболук таазим. Келечек муундарга улгу боло турган ушул айымдай болгон билимдуу, эмгекчил адамдар арабызда коп болсун.

+11

arawan

2018-08-16 13:02:21

жаткан жериниз жайлуу топурагыныз торко болсун

aydinnur

2018-08-16 14:40:37

Өмүрүмдө биринчи жолу тааныбаган кишиге барып топурак салдым..Сыйлаганымдан, топурагы торко болсун Салтанат айымдын(((

mishonia8077

2018-08-16 23:06:18

aydinnur,жаназа окулдубу

omka100514

2018-08-16 14:53:39

Эхх эжеке сизди айыгып кетсе керек деп ойлочумун, бирок ажалга айла жок тура, айыкпаган оору алып тынды. Жаткан жериниз жайлуу, топурагыныз торко болсун.

Ense1705

2018-08-16 15:43:24

Жаткан жери жайлуу болсун,эмне учун Уланбек Эгизбаевди Ала Арча корустонуно коюшкан жок

IL Suren

2018-08-16 16:39:06

Байкуш,эжекебиз эрте кетти.Жайы жаннаттан болсун!Ата-эне,үй-бүлөөсүнө,бир туугадарына, досторуна сабыр тилейм.Үнү булбулдай эле,эхх!Ооруну жашырбаш керек,андан көрө алдын алалы деп элдерге айтыш керек деген эле.Элдер,ооруга чыдап жүрө бербей,батыраак текшертип жүргүлө

surgeon777

2018-08-17 02:59:13

Жаркыраган жылдыздардын бири эле теленин.
Жаткан жери жайлуу болсун,Жаратканым бейиштен орун ыроолосун!(((((

Комментарий калтыруу үчүн өз ысымыңыз менен кириңиз же каттоодон өтүңүз.